यावर तत्काळ प्रतिक्रिया देत शरद पवार यांनी आपल्या खास मिश्किल शैलीत आर. के. पवार यांच्याकडे पाहत विचारले, “आता तुम्ही काय बोललात? एवढ्या लवकर कुठे वर घालवताय?” त्यांच्या या मिश्किल उत्तरानंतर उपस्थित कार्यकर्ते आणि पत्रकारांमध्ये एकच हशा पिकला. थकलेल्या प्रवासानंतरही पवारांच्या मिश्किलपणामुळे सभागृहातील गंभीर वातावरण बदलले.
शरद पवार कोल्हापूर दौऱ्यावर
शरद पवारांचा हा दोन दिवसांचा दौरा राजकीय दृष्टीने महत्त्वाचा मानला जात आहे. या दौऱ्यात ते पक्षातील नेते, पदाधिकारी आणि कार्यकर्त्यांशी संवाद साधणार आहेत. तसेच आगामी महानगरपालिका निवडणुकांच्या पार्श्वभूमीवर ते मार्गदर्शन करणार आहेत. पवार यांची कार्यपद्धती, त्यांचा विनोदी स्वभाव आणि काटेकोर शिस्त यामुळे त्यांच्यासोबत काम करणाऱ्यांना नेहमीच प्रेरणा मिळते.
advertisement
आगामी महापालिकांच्या पार्श्वभूमीवर दौरा महत्त्वाचा
बुधवारी झालेल्या या छोट्याशा प्रसंगातून पुन्हा एकदा त्यांच्या व्यक्तिमत्त्वातील सहजता आणि हलक्याफुलक्या वातावरणात शरद पवारांच्या विनोदी शैलीचा अनुभव आला आहे. पवार यांची प्रतिक्रिया ऐकून सर्वांना क्षणभर प्रवासाचा थकवा विसरला आणि उपस्थितांमध्ये आनंदाचे वातावरण निर्माण झाले. त्यांच्या या दौऱ्यादरम्यान आणखी अनेक राजकीय घडामोडींवर चर्चा होणार असून आगामी स्थानिक स्वराज्य संस्थांच्या निवडणुकांच्या पार्श्वभूमीवर महत्त्वाचा आहे.
शरद पवारांच्या व्यक्तिमत्त्वातील विविध पैलूंची झलक
शरद पवारांचा कोल्हापूर दौरा फक्त राजकीयच नव्हे तर त्यांच्या व्यक्तिमत्त्वातील विविध पैलूंची झलक दाखवणारा ठरला आहे. त्यांच्या या मिश्किल प्रश्नाच्या उत्तराने दौऱ्याची सुरुवातच रंगतदार झाली.