ICC कडून पाकिस्तानचा भलताच लाड! युएईविरुद्धच्या सामन्यात झाला मोठा बदल, टीम इंडियाला 'जोर का झटका'?

आयसीसीने पायक्रॉफ्ट यांना आजच्या पाकिस्तान आणि यूएई मॅचमधून दूर ठेवले आहे. झिम्बाब्वेचे पायक्रॉफ्ट पाकिस्तानच्या पुढील मॅचसाठी सुद्धा रेफरी होते. पाकिस्तानचा पुढील सामना आज यूएईसोबत होणार आहे. मात्र, 'टाइम्स ऑफ इंडिया' च्या रिपोर्टनुसार, त्यांना 'आराम' दिला जाऊ शकतो. पाकिस्तानने बुधवारी होणारी आपली मॅचपूर्वीची पत्रकार परिषदही रद्द केली आहे. पीसीबीच्या एका सूत्राने सांगितले की, पाकिस्तान टूर्नामेंट खेळणार आहे, पण अँडी पायक्रॉफ्ट यूएईविरुद्धच्या मॅचमध्ये रेफरी असणार नाहीत. पायक्रॉफ्ट पाकिस्तानच्या पुढील मॅचमध्ये रेफरी असतील की नाही, हे अजून स्पष्ट झालेले नाही.

पीसीबीचे अध्यक्ष मोहसिन नकवी यांनी एका पोस्टमध्ये म्हटले होते की, पीसीबीने एमसीसी (MCC) नियमांचे उल्लंघन केल्याबद्दल मॅच रेफरीच्या विरोधात आयसीसीकडे तक्रार दाखल केली आहे. पीसीबीने मॅच रेफरींना आशिया कपमधून तात्काळ हटवण्याची मागणी केली आहे. पण नंतर त्यांनी ही पोस्ट हटवली.

दरम्यान, भारत आणि पाकिस्तानने मंगळवारी आयसीसी अकादमीमध्ये सराव केला. दोन्ही संघांच्या सरावाची वेळ वेगवेगळी होती, पण ते जवळपास एक तास एकाच ठिकाणी होते. भारताने आधीच सुपर फोरमध्ये आपली जागा निश्चित केली आहे, तर पाकिस्तानला पुढील फेरीत पोहोचण्यासाठी कोणत्याही परिस्थितीत शेवटचा सामना जिंकावा लागेल. जर ते यूएईला हरवण्यात यशस्वी झाले तर पुढील रविवारी त्यांचा सामना पुन्हा एकदा भारतीय संघासोबत होईल.