वकील अन् नागरिकांना मोठा दिलासा! कोल्हापूर-कलबुर्गी एक्स्प्रेस 'या' तारखेपासून सुरू, कधीपासून सुरूय बुकिंग?

Kolhapur-Kalburgi Express : बऱ्याच दिवसांपासून प्रलंबित असलेली कोल्हापूर-कलबुर्गी-कोल्हापूर रेल्वेसेवा (Kolhapur-Kalburgi Express) 24 सप्टेंबरपासून सुरू होत आहे. त्याचं बुकिंग आजपासून (दि. 16 सप्टेंबर) सुरू झालेले आहे. ही गाडी सकाळच्या सत्रात (शुक्रवार वगळता) धावणार असून, कोल्हापूर ते कुर्डूवाडी दरम्यानच्या सर्व स्थानकांवर थांबणार असल्याने प्रवाशांमध्ये आनंदाचे वातावरण आहे. विशेषतः, सोलापूर जिल्ह्यातून कोल्हापूर उच्च न्यायालयात कामकाजासाठी जाणाऱ्या वकील आणि नागरिकांसाठी ही गाडी अत्यंत सोयीची ठरणार आहे, कारण ती पहाटेच कोल्हापूरला पोहोचेल.