सोलापूर विमानसेवा सुरू होणार असल्याच्या तारखा यापूर्वीही अनेकदा जाहीर करण्यात आल्या होत्या. परंतु, प्रत्यक्षात विमानसेवा सुरू झालीच नव्हती. आता मात्र विमानसेवेचा मुहूर्त जाहीर करतानाच कंपनीने तिकीट बुकिंगच सुरू केले आहे. दुपारी 4 वाजता कंपनीच्या वेबसाईटवर तिकीट बुकिंग सुरू झाले. तेव्हा गोव्याचे तिकीट दर 3400 रुपये होता. परंतु, तासारभरातच सर्चिंग वाढलं आणि गोव्यासाठी तिकीटाचा दर थेट 4202 पर्यंत गेला.
advertisement
Sinhagad Fort: सगळं प्लानिंग फसणार! सिंहगड किल्ल्यावर पर्यटकांना नो एन्ट्री, कारण काय?
कशी असेल विमानसेवा?
सोलापूर ते गोवा विमानसेवा आठवड्यातून चार दिवस असणार आहे. सोलापूरकरांना दर आठवड्याला सोमवार, शुक्रवार, शनिवार आणि रविवार असे चार दिवस गोव्यासाठी विमानाने जाता येईल. 9 जून रोजी (सोमवार) सकाळी 8.50 वाजता सोलापुरातून गोव्यासाठी पहिले उड्डाण होईल. हे विमान 10.05 वाजता गोव्यातील मनोहर विमानतळावर उतरणार असून तिकिटाचा मूळ दर 3500 रुपये असेल.