TRENDING:
शेवटचा प्रवास आणि बसला मारलेली मिठी
व्हिडिओमध्ये दिसतं की, हे वाहक आपल्या निवृत्तीच्या दिवशी शेवटच्या ड्युटीवर जाण्यापूर्वी बसला (ST Bus) श्रद्धेनं स्पर्श करत आहेत आणि तिला प्रेमानं मिठी मारत आहेत. ज्या बसमध्ये त्यांनी आयुष्यातील २८ वर्षे प्रवाशांची सेवा केली, त्या गाडीचा निरोप घेताना त्यांचे डोळे पाणावले होते. त्यांनी बसमधील प्रवाशांशी नेहमीप्रमाणे नम्रपणे संवाद साधला आणि तिकिटेही काढली, मात्र हा त्यांचा शेवटचा प्रवास असल्याचे कळताच प्रवासीही हळहळले.
advertisement
नेटकऱ्यांकडून शुभेच्छांचा वर्षाव
"२८ वर्षांच्या प्रवासाची आज शेवटची फेरी... Happy Retirement Papa!" या कॅप्शनसह त्यांच्या मुलाने हा व्हिडिओ शेअर केला आहे. या व्हिडिओमध्ये बसच्या बेलचा आवाज आणि त्या वाहकाचा गणवेशातील वावर पाहून अनेक युजर्सने जुन्या आठवणींना उजाळा दिला आहे. "एसटी कर्मचारी हे खरंच अहोरात्र कष्ट करतात, त्यांच्यामुळेच ग्रामीण भागातील प्रवास सुकर होतो," अशा प्रतिक्रिया नेटकरी देत आहेत. हा व्हिडिओ 66 हजाराहून अधिकांनी लाईक केला आहे.
आज अनेक खासगी वाहने असली, तरी एसटीचा प्रवास आणि या कर्मचाऱ्यांची निष्ठा ही आजही वाखाणण्याजोगी आहे. या निवृत्त वाहकाच्या आयुष्यातील पुढील प्रवास सुखाचा आणि आरोग्याचा जावो, अशा शुभेच्छा नेटकरी देत आहेत.