Rinku Singh Father : वडिलांचे शेवटचे शब्द - 'तुझ्यासारखा मुलगा प्रत्येक बापाला मिळो, जा तू मॅच खेळ, मी हॉस्पिटलमधून प्रार्थना करतो'

काळजी घेणारे खूपजण तिथंच होते. काही वेळानंतर रिंकु वडिलांजवळ गेला अन् त्यांना सांगितलं की, मला माघारी जावं लागेल. 26 तारखेला मॅच आहे, तुम्ही काळजी घ्या. त्यावेळी रिंकुही माहिती नव्हतं की, ही आपल्या वडिलांसोबतची शेवटची भेट असेल. रिंकुला पाहिल्यावर त्याच्या वडिलांनी त्याच्या डोक्यावरून हात फिरवला अन् आशीर्वाद दिला.

असंच खेळत रहा... एक दिवस तू संपूर्ण आभाळ व्यापून टाकशील. स्वत:ला कधी एकटं समजू नको. तुझ्यासारखा मुलगा प्रत्येक बापाला मिळो, जा तू मॅच खेळ, मी हॉस्पिटलमधून प्रार्थना करतो, असं म्हणत रिंकु सिंगच्या वडिलांनी त्याला आशीर्वाद दिले अन् रिंकुने चेन्नईच्या दिशेने कुच केली. वडिलांची अखेरची भेट घेऊन रिंकु निघाला अन् दुसऱ्याच दिवशी सकाळी वाईट बातमी कानावर आली.

दरम्यान, रिंकु सिंगच्या वडिलांना चौथ्या स्टेजचा लिव्हर कॅन्सर होता. गेल्या काही दिवसांपासून त्यांच्यावर उपचार देखील सुरू होते. लेकाचं यश पाहून त्यांना आनंद होत असे. आयपीएलमध्ये जेव्हा रिंकुचं सिलेक्शन झालं, त्यावेळी त्यांना आनंद गगनात मावेना झाला होता. अशातच रिंकुच्या कानात अजूनही वडिलांचे शेवटचे शब्द आठवत असतील. आता रिंकु टीम इंडियाच्या ड्रेसिंग रुममध्ये परतणार आहे. वडिलांसाठी तो नक्कीच टीम इंडियाला वर्ल्ड कप जिंकवून देईल, याच शंका नाही.