Chandra Grahan 2026: आधीच अडीचकीचे भोग, त्यात चंद्रग्रहण! या राशीसाठी एक महिना बेक्कार, राहा अलर्ट

सिंह राशीच्या लोकांच्या कामाच्या ठिकाणी अचानक ताण वाढू शकतो. जबाबदाऱ्या तर वाढतील, पण त्यामानाने फळ मिळणार नाही, ज्यामुळे तुमची निराशा होऊ शकते. वरिष्ठांशी खटके उडण्याची शक्यता आहे आणि सहकाऱ्यांकडूनही अपेक्षित मदत मिळणार नाही.

सिंह राशीचे जे लोक पार्टनरशिपमध्ये व्यवसाय करतात, त्यांच्यासाठी हा काळ थोडा कठीण असू शकतो; मोठं आर्थिक नुकसान होण्याची भीती आहे. त्यामुळे कोणत्याही नवीन कामात गुंतवणूक करण्यापूर्वी शंभर वेळा विचार करा.

शनीची अडीचकी आणि चंद्रग्रहण यामुळे पैशांच्या बाबतीत खूप चढ-उतार पाहायला मिळतील. अचानक मोठे खर्च समोर येऊ शकतात किंवा कुठेतरी अडकलेले पैसे मिळण्यात आणखी उशीर होऊ शकतो. गुंतवणुकीतून लगेच फायदा मिळण्याची अपेक्षा न ठेवलेलीच बरी. सध्या कोणताही आर्थिक धोका पत्करणं महागात पडू शकतं. त्यामुळे बजेट बनवून चाला आणि फालतू खर्च टाळा. सध्या गुंतवणुकीचे मोठे प्लॅन्स पुढे ढकलणं योग्य राहील.

कौटुंबिक आयुष्य - चंद्र हा मनाचा कारक आहे आणि सिंह राशीतच ग्रहण लागत असल्याने नात्यांमध्ये गैरसमज वाढण्याची दाट शक्यता आहे. जोडीदारासोबत खटके उडू शकतात. कुटुंबातील लोक तुमच्या मतांशी सहमत होणार नाहीत, ज्यामुळे तुमची चिडचिड होऊ शकते. मित्र आणि सासरच्या लोकांशी वागताना थोडा संयम ठेवा, नाहीतर दुरावा निर्माण होऊ शकतो. घरच्यांना तुमच्याशी मोकळेपणाने बोलणं थोडं कठीण जाईल, असा हा काळ आहे.

आरोग्य - या काळात तुम्हाला शारीरिक आणि मानसिक अशा दोन्ही समस्या जाणवू शकतात. नीट झोप न लागणं, सततचा थकवा आणि डोकेदुखी यामुळे तुम्ही त्रस्त व्हाल. तुमची रोजची कामं विस्कळीत होऊ शकतात. आरोग्याकडे दुर्लक्ष केल्यास जुने आजार पुन्हा त्रास देऊ शकतात. कितीही धावपळ असली तरी वेळेवर जेवण आणि पुरेशी विश्रांती घेणं तुमच्यासाठी खूप महत्त्वाचं आहे, जरी ते सध्या तुम्हाला कठीण वाटत असलं तरीही स्वतःला थोडा वेळ द्या.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)