मिनी ट्रेन एक अविस्मरणीय अनुभव
असा असेल जादुई प्रवास कोयनानगरमध्ये येणाऱ्या पर्यटकांसाठी ही मिनी ट्रेन एक अविस्मरणीय अनुभव ठरणार आहे. मॉडेल रूमपासून सुरू होऊन नेहरू उद्यानापर्यंतचा हा प्रवास प्रवाशांना एका वेगळ्याच दुनियेत घेऊन जाईल. डोंगरदऱ्यांमधून नागमोडी वळणे घेत, ढगांना स्पर्श करत, धरणाच्या निळ्याशार जलाशयाच्या काठाने आणि पक्ष्यांचा किलबिलाट ऐकत हा प्रवास पूर्ण होईल. प्रत्येक वळणावर निसर्ग जणू काहीतरी नवीन दाखवत असल्याचा अनुभव येईल, जो केवळ एक प्रवास नसून एक भावनिक सफर ठरेल.
advertisement
स्थानिकांना रोजगाराची नवी संधी
स्थानिकांना रोजगाराची नवी संधी हा प्रकल्प केवळ पर्यटकांसाठीच नाही, तर स्थानिकांसाठीही विकासाचे नवे दरवाजे उघडणार आहे. मिनी ट्रेनमुळे वाढणाऱ्या पर्यटनातून 'होम स्टे', स्थानिक खाद्यपदार्थांचे स्टॉल्स, हस्तकला विक्री आणि स्थानिक गाईड सेवा अशा अनेक व्यवसायांना चालना मिळेल, ज्यामुळे स्थानिकांसाठी रोजगाराच्या संधी निर्माण होतील.
पर्यटन मंत्री शंभूराज देसाई यांचे निर्देश
पर्यटन मंत्री शंभूराज देसाई यांच्या निर्देशानुसार, या प्रकल्पाचा सविस्तर प्रस्ताव, आवश्यक परवानग्या आणि आर्थिक आराखडा तयार करण्याचे काम सुरू झाले आहे. हा प्रकल्प पूर्ण झाल्यावर कोयनानगर देशाच्या आणि जगाच्या पर्यटन नकाशावर एक महत्त्वाचे स्थळ म्हणून उदयास येईल.
हे ही वाचा : कष्टाची कमाई क्षणात गेली, ना परतावा मिळाला, ना मुद्दल; सांगलीत 'शेअर मार्केट'च्या नादात महिलेची मोठी फसवणूक
हे ही वाचा : Kolhapur Navratri 2025: नवरात्रौत्सवासाठी करवीरनगरीत लगबग, वाहतुकीत मोठे बदल, पर्यायी मार्ग कोणते?