कष्टाची कमाई क्षणात गेली, ना परतावा मिळाला, ना मुद्दल; सांगलीत 'शेअर मार्केट'च्या नादात महिलेची मोठी फसवणूक

या चौघांनी कविता चव्हाण यांना त्यांच्या कंपनीत पैसे गुंतवल्यास शेअर मार्केटमधून चांगला परतावा मिळेल असे आमिष दाखवले. त्यांच्या भूलथापांना बळी पडून कविता चव्हाण यांनी चेक आणि रोख रक्कम मिळून एकूण 14 लाख रुपये दिले.

गुंतवणूक केल्यानंतर सुरुवातीच्या चार महिन्यांत त्यांना दरमहा 20 हजार रुपये असे एकूण 80 हजार रुपये परतावा म्हणून मिळाले. पण त्यानंतर मात्र त्यांना एकही पैसा परत मिळाला नाही. अनेक वेळा पैशाची मागणी करूनही प्रतिसाद मिळत नसल्याने आपली फसवणूक झाल्याचे त्यांच्या लक्षात आले. त्यानंतर त्यांनी सांगली शहर पोलीस ठाण्यात तक्रार दाखल केली. पोलिसांनी गुन्हा दाखल केला असून, या प्रकरणी अधिक तपास सुरू आहे.