Winter : महाराष्ट्रातील सर्वात थंड ठिकाण कोणतं? महाबळेश्वर म्हणत असाल तर थांब तुम्हाला चुकीचा समज

सहसा आपण महाबळेश्वरला महाराष्ट्राचं 'काश्मीर' मानतो, पण अधिकृत आकडेवारी आणि हवामानाचा अंदाज पाहता एका दुसऱ्याच शहराने हे मानाचं स्थान पटकावलं आहे.

महाराष्ट्रातील सर्वात थंड ठिकाण कोणते? महाबळेश्वर की निफाड? जाणून घ्या सत्य

महाराष्ट्रात थंडीचे रेकॉर्ड तोडणारी दोन मुख्य ठिकाणं आहेत. पण 'सर्वात थंड' या पदकासाठी सध्या निफाड आणि महाबळेश्वर यांच्यात नेहमीच चढाओढ असते.

advertisement

1. निफाड (नाशिक जिल्हा) - थंडीचं नवं केंद्र

गेल्या काही वर्षांतील हवामानाचा कल पाहिला तर नाशिक जिल्ह्यातील 'निफाड' हे महाराष्ट्रातील सर्वात थंड ठिकाण म्हणून समोर आलं आहे.

का आहे इतकी थंडी? निफाड हा भाग द्राक्षांच्या बागांसाठी प्रसिद्ध आहे. इथली मोकळी शेती आणि भौगोलिक रचनेमुळे हिवाळ्यात उत्तर भारताकडून येणारे थंड वारे इथे थेट धडकतात.

निफाडमध्ये अनेकदा पारा 1.8 °C ते 3 °C पर्यंत खाली येतो. काही वेळा तर इथल्या द्राक्षांच्या पानांवर बर्फाचे थर साचल्याचेही पाहायला मिळाले आहे.

2. महाबळेश्वर (सातारा जिल्हा) - सदाबहार थंड हवेचं ठिकाण

समुद्रसपाटीपासून 1438 मीटर उंचीवर असलेल्या महाबळेश्वरला आपण परंपरेने सर्वात थंड मानतो.

सह्याद्रीच्या रांगांमध्ये असल्यामुळे इथे वर्षभर हवामान आल्हाददायक असतं. वेण्णा लेक परिसरात हिवाळ्यात कमालीची थंडी असते.

महाबळेश्वरमध्ये तापमान 4°C ते 5°C च्या आसपास जातं. पण निफाडच्या तुलनेत इथे आर्द्रता जास्त असल्यामुळे बोचरी थंडी जास्त जाणवते.

3. चिखलदरा (अमरावती जिल्हा) - विदर्भाचं नंदनवन

विदर्भात उन्हाळा जितका कडक असतो, तितकीच चिखलदऱ्यात थंडीही कडाक्याची असते. सातपुडा पर्वत रांगांमध्ये वसलेलं हे ठिकाण विदर्भातील सर्वात थंड ठिकाण आहे. हिवाळ्यात इथला पारा 5 अंशांच्या खाली जातो.

अनेकांना वाटतं की फक्त डोंगराळ भागातच थंडी असते. पण पुणे आणि नाशिक ही शहरं पठारी भागावर असूनही हिवाळ्यात निफाडच्या खालोखाल सर्वात कमी तापमान नोंदवतात. याला 'इन्व्हर्जन ऑफ टेम्परेचर' हे शास्त्रीय कारण कारणीभूत असतं.