TRENDING:वाळूज एमआयडीसी येथे साधारणपणे 2020 मध्ये अश्वराज मसाले या उत्पादनाच्या निर्मितीला घरातूनच सुरुवात झाली. या ठिकाणी काळा मसाला, खानदेशी गरम मसाला अशा प्रकारचे दीडशे मसाले येथे बनवले जातात. या व्यवसायाची विशेष बाब म्हणजे अनेक महिलांच्या हाताला काम लागते, त्यांना रोजगार उपलब्ध होतो त्यामुळे समाधान वाटते.
advertisement
मसाल्यांमधील उत्पादनांची पॅकिंग पूर्णपणे स्वतः महिलांच्या साहाय्याने केली जाते. त्यासाठी काही उपकरणे आणि यंत्र देखील वापरले जातात. अश्वराज मसाल्यांची उत्पादने छत्रपती संभाजीनगर जिल्ह्यासह विविध ठिकाणी विक्री केली जातात. याबरोबरच ऑनलाइन तसेच विविध ठिकाणी लागणाऱ्या स्टॉलच्या माध्यमातून देखील विक्री सुरू असते. या व्यवसायाच्या माध्यमातून जवळपास अडीच लाखांची उलाढाल होते, असे व्यावसायिका अश्विनी डेहाळे यांनी लोकल 18 सोबत बोलताना सांगितले.
महिलांनी मसाले व्यवसायात यावे का? काय काळजी घ्यावी..
नक्कीच इतर महिलांनी देखील मसाले निर्मितीच्या व्यवसायामध्ये यायला पाहिजे. मसाले बनवताना मसाल्यांचा दर्जा उच्च ठेवावा, त्यामध्ये केमिकलचा वापर टाळावा, परिसरात स्वच्छता बाळगावी, यासह आणखी काही बाबींचा विचार करून हा व्यवसाय केल्यास नक्कीच यश मिळते त्यामुळे इतर महिलांनी या व्यवसायात आले तरी काही हरकत नाही, असे देखील डेहाळे यांनी सांगितले.