TRENDING:
नोव्हेंबरमध्ये सरकारने अधिसूचित केलेल्या चार नवीन कामगार कायद्यांना विरोध असल्याने हा संप सुरू आहे. हे नवीन नियम 29 जुन्या कामगार कायद्यांची जागा घेतात आणि कामगार संघटना नोंदणीसाठी कठोर आवश्यकता लादतात. संघटनांचे म्हणणे आहे की हा कर्मचाऱ्यांवर हल्ला आहे आणि कामगार वर्गाचे नुकसान करेल. बँक कर्मचारी वर्क-लाइफ संतुलन आणि पाच दिवसांचा कामाचा आठवडा अशीही मागणी करत आहेत. हा संप केवळ बँकांपुरता मर्यादित नाही तर तो भारत बंदचा (भारत बंद) भाग आहे ज्यामध्ये शेतकरी आणि इतर क्षेत्रे देखील समाविष्ट आहेत.
advertisement
सोनं की चांदी? 2026मध्ये कोणाचे भाव जास्त वाढणार? पाहा सध्या काय खरेदी करावं
अनेक बँकांमध्ये 12 फेब्रुवारीला संप
बँक ऑफ बडोदाने बीएसईला अलर्ट जारी केलाय की, संपामुळे त्याच्या ब्रांच आणइ ऑफिसमधील कामावर परिणाम होऊ शकतो. बँकेने म्हटले की, ते स्मूथ काम करण्याचा प्रयत्न करत आहेत. पण संप झाला तर काही अडचणी येऊ शकतात. स्टेट बँक ऑफ इंडियानेही ग्राहकांना इशारा दिला आहे की, सेवांवर लिमिडेट पद्धतीने प्रभाव पडू शकतो. आयडीबीआय बँकेलाही संपाची नोटिस मिळाली आहे.
RBIने सुट्टी जाहीर केलेली नाही
आतापर्यंत, आरबीआय किंवा कोणत्याही मोठ्या बँकेने 12 फेब्रुवारी रोजी बँक सुट्टी जाहीर केलेली नाही. त्यामुळे बँका खुल्या राहतील अशी अपेक्षा आहे. तसंच, जर कर्मचारी संपावर गेले तर शाखांचे कामकाज कमी होऊ शकते. सार्वजनिक क्षेत्रातील बँकांवर विशेषतः परिणाम होईल, कारण त्यांच्याकडे बहुसंख्य युनियन सदस्य आहेत. खाजगी बँकांवर परिणाम कमी असला तरी, एकूण बँकिंग कामकाजावर परिणाम होईल.
नोकरदारांसाठी खूशखबर! या तारखेपासून UPI मधून झटपट काढता येणार पैसे
कसे संपवावे बँकेचे आवश्यक कामं?
ग्राहकांसाठी सल्ला आहे की, आवश्यक कामं आधीच करुन घ्या. कॅश काढणे, चेक जमा करणे किंवा कोणतंही मोठं ट्रांझेक्शन आजच करुन घ्या. डिजिटल बँकिंग जसं की नेट बँकिंग, मोबाईल अॅप, यूपीआय, एटीएम आणि इंटरनेट बँकिंवर कदाचित परिणाम होणार नाही. कारण हे ऑटोमेटेड आहे आणि कर्मचाऱ्यांवर कमी अवलंबून आहे. मात्र ब्रांच बंद राहिली तर काही सर्व्हिसेज जसं की, डिमांड ड्राफ्ट किंवा मोठ्या लोन प्रोसेसिंग थांबू शकतात.
बँकिंग क्षेत्रात हे संप वारंवार होतात, परंतु यावेळी ते लेबर कोड्सविरुद्ध निदर्शने करत आहेत आणि मोठ्या प्रमाणात होत आहेत. लाखो कर्मचारी सहभागी होतील असे संघटनांचे म्हणणे आहे आणि हे निदर्शन जोरदार असेल. सरकार किंवा बँकांकडून अद्याप कोणताही महत्त्वपूर्ण प्रतिसाद मिळालेला नाही, परंतु बँका ग्राहकांना तयार राहण्याचे आवाहन करत आहेत. तुम्ही बँकेला भेट देण्याची योजना आखत असाल तर तुमची शाखा उघडी आहे का ते तपासा. अनेक बँकांनी यासाठी आधीच अलर्ट जारी केले आहेत.