नोकरदारांसाठी खूशखबर! या तारखेपासून UPI मधून झटपट काढता येणार पैसे

युपीआयद्वारे पैसे काढताना एका व्यवहारासाठी २५,००० रुपयांची मर्यादा असण्याची शक्यता आहे. निवृत्तीनंतरची सुरक्षा जपण्यासाठी तुमच्या एकूण बॅलन्सपैकी किमान २५% हिस्सा 'लॉक' राहील, तर उर्वरित मोठा हिस्सा तुम्ही गरजेनुसार काढू शकाल. लांबच लांब क्लेम प्रोसेसऐवजी आता थेट डिजिटल सेटलमेंटवर भर दिला जाईल.

श्रम आणि रोजगार मंत्रालयाने सध्या १०० डमी खात्यांवर याची चाचणी सुरू केली आहे. सिस्टीममध्ये कोणतेही तांत्रिक दोष राहू नयेत, यासाठी सरकार खबरदारी घेत आहे. सध्या ईपीएफओ वर्षाला ५ कोटींहून अधिक क्लेम सेटल करते, नव्या ॲपमुळे हा भार कमी होऊन सेवा अधिक वेगवान होईल. नवे ॲप आल्यावरही सध्याचे 'युनिफाइड मेंबर पोर्टल' आणि 'उमंग ॲप' पूर्वीप्रमाणेच इतर सेवांसाठी सुरू राहतील. मात्र, झटपट पैसे काढण्यासाठी नवे युपीआय आधारित ॲप हे मुख्य साधन ठरेल.