विजय चव्हाण आणि योगेश काटकर यांनी 2008 मध्ये लॉन्ड्री व्यवसायाला सुरुवात केली. हळूहळू व्यवसाय वाढत गेला. पण या काळात अनेक अडचणींचा सामना करावा लागला. डिलिव्हरी करायला गाडी नव्हती. तरीही बाईकवर डिलिव्हरी करून व्यवसायात सातत्य ठेवलं. 2010 मध्ये एका घरातून शिर्डी गावात लॉन्ड्री व्यवसाय चालू केला. आता शिर्डीतील 90 टक्के हॉटेलची लॉन्ड्री तसेच ड्रायक्लीनची कामे त्यांच्याकडे आहेत.
advertisement
Home Business: धपाट्याचा स्टॉल लावला अन् सुचली बिझनेस आयडिया, आता महिलेची कमाई लाखात!
लॉकडाऊनमध्ये अडचणी
कोरोना लॉकडाऊनमध्ये व्यवसाय बंद करावा की काय असा प्रश्न आला. पण व्यवसाय बंद न करता त्यात 2020 मध्ये वाढ करत शताब्दी ड्रायक्लीनची नव्याने सुरुवात केली. आता नाशिकमध्ये देखील त्यांची अजून एक शाखा सुरू झालीये. त्यामुळे शिर्डीत 2 तर नाशिकमध्ये एक अशा ठिकाणी लॉन्ड्री व्यवसाय सुरू आहे.
सध्या 30 ते 35 स्टाफ
चव्हाण आणि काटकर यांनी लॉन्ड्री व्यवसायातून 30 ते 35 कुटुंबांना रोजगार उपलब्ध करून दिला आहे. या व्यवसायाच्या माध्यमातून जवळपास 40 ते 50 लाखापर्यंत कमाई करतोय. कमी भांडवल गुंतवून व्यवसायाला सुरुवात केली आणि त्यात जर सातत्य ठेवलं तर एक दिवस नक्कीच यश भेटतं, असं ते सांगतात.