सोन्यापेक्षाही भारी अन् मौल्यवान; सर्वात हुशार एक्सपर्ट सांगितला असा पर्याय, ज्याचा कोणी विचारच केला नव्हता

सोने विरुद्ध बिटकॉइन या दीर्घकाळ चालत आलेल्या चर्चेत बोलताना कियोसाकी म्हणाले की, कोणत्याही गुंतवणूकदाराच्या पोर्टफोलिओमध्ये सोने, चांदी आणि बिटकॉइन यांना स्थान असायलाच हवे. मात्र जर या तिघांपैकी एकच पर्याय निवडायचा असेल; तर ते बिटकॉइनलाच प्राधान्य देतील, असे त्यांनी स्पष्ट केले आहे.

रॉबर्ट कियोसाकी यांनी X वर केलेल्या पोस्टमध्ये सांगितले की, ते स्वतः सोने, चांदी आणि बिटकॉइन या तिन्ही मालमत्तांमध्ये गुंतवणूक करतात. तरीही दीर्घकालीन भविष्याचा विचार करता बिटकॉइन अधिक प्रभावी ठरू शकतो, असा त्यांचा विश्वास आहे.

advertisement

सोन्याची मर्यादा काय?

कियोसाकी यांच्या मते, सोने ही जरी मौल्यवान धातू असली तरी तिची एक मोठी मर्यादा आहे. सोन्याची उपलब्धता आर्थिकदृष्ट्या “अनंत” असल्याचे ते सांगतात. जेव्हा सोन्याच्या किमती वाढतात, तेव्हा जगभरात नवीन खाणी सुरू होतात, अधिक प्रमाणात सोने उत्खनन केले जाते. म्हणजेच किमती वाढल्या की त्याच वेळी बाजारातील पुरवठाही वाढतो.

यामुळेच दीर्घकाळात सोन्याच्या किमतींमध्ये फार मोठी उसळी पाहायला मिळत नाही, असे कियोसाकी यांचे मत आहे.

बिटकॉइनची ताकद

बिटकॉइनचा संपूर्ण मॉडेल सोन्यापेक्षा वेगळा आहे. बिटकॉइनची एकूण संख्या आधीच निश्चित करण्यात आलेली आहे आणि भविष्यात त्यापेक्षा जास्त बिटकॉइन तयार होऊ शकत नाहीत. याच कारणामुळे बिटकॉइनच्या किमतींना दीर्घकालीन स्थैर्य आणि मजबुती मिळते.

कियोसाकी म्हणतात, “बिटकॉइनची रचना अशी आहे की दीर्घकाळात त्याची किंमत फक्त वाढण्याचीच शक्यता असते.” याच कारणामुळे बिटकॉइनला ‘डिजिटल गोल्ड’ असे संबोधले जाते, असेही त्यांनी नमूद केले.

सध्याची बाजारस्थिती

सध्याच्या बाजारस्थितीबाबत बोलताना कियोसाकी सांगतात की, बिटकॉइनची किंमत सध्या सुमारे 70,000 डॉलरच्या आसपास स्थिर आहे. मात्र ती आपल्या आतापर्यंतच्या सर्वोच्च पातळीपासून (126,000 डॉलरपेक्षा अधिक) सुमारे 44 टक्क्यांनी खाली आहे. दुसरीकडे सोन्याची किंमतही आपल्या उच्चांकी पातळीपासून (5,595 डॉलर) सुमारे 10 टक्क्यांनी घसरून आता स्थिरावली आहे.

कियोसाकी यांच्या मते, त्यांनी सुरुवातीच्या काळात केलेली बिटकॉइनमधील गुंतवणूक आज त्यांच्या विचारांना योग्य ठरत असल्याचे स्पष्टपणे दाखवत आहे. ते आजही सोने उत्खनन (Gold Mining) आणि तेल संशोधन (Oil Exploration) या क्षेत्रात सक्रिय असले तरी, भविष्यासाठी बिटकॉइन हे अधिक प्रभावी आणि दीर्घकालीन गुंतवणूक साधन आहे, असा त्यांचा ठाम विश्वास आहे.