नव्या नियमांनुसार, जर तुम्ही Dream11, MPL, Rummy Culture, Junglee Games यांसारख्या स्किल-बेस्ड गेमिंग प्लॅटफॉर्मवर महिन्याला 10,000 रुपयांपेक्षा जास्त खर्च केला, तर 1 टक्के शुल्क आकारले जाईल. याची कमाल मर्यादा 4,999 रुपये इतकी असेल आणि या व्यवहारांवर कोणतेही रिवॉर्ड पॉइंट्स दिले जाणार नाहीत. याआधी रिवर्ड पॉईंट्स मिळत होते ती सुविधा बंद करण्यात आली आहे.

advertisement

Bank Holidays July 2025: १ ते ३१ जुलैदरम्यान तुमच्या शहरात बँका कधी बंद राहणार? जुलैमधील सुट्ट्यांची ही यादी वाचाच!

Paytm, Mobikwik, Ola Money, Freecharge यांसारख्या थर्ड पार्टी वॉलेटमध्ये महिन्याला 10,000 रुपयांहून अधिक रक्कम ट्रान्सफर केल्यासही एक टक्के शुल्क आकारले जाईल. यामध्येही कमाल शुल्काची मर्यादा तीच राहील. युटिलिटी बिल्सच्या बाबतीत, जर ग्राहक कार्डधारक असाल आणि महिन्याला 50,000 रुपयांहून अधिक रक्कम भरली, किंवा बिझनेस कार्डवर 75,000 रुपयांचा टप्पा ओलांडला, तर त्यावरही एक टक्के शुल्क आकारले जाईल. विमा प्रीमियम भरताना मात्र कोणतेही शुल्क लागू होणार नाही.

ICICI Bank Rule Change: ICICI बँकेच्या ग्राहकांसाठी मोठी बातमी! 1 जुलैपासून ATM, डेबिट कार्ड, IMPS महागणार

रेंट भरणे, इंधन खरेदी आणि शिक्षण शुल्क यावरही नियम बदलले आहेत. थर्ड पार्टी अ‍ॅप्समधून शिक्षण शुल्क भरल्यास १% शुल्क लागेल, मात्र थेट कॉलेज किंवा शाळेच्या वेबसाइटवरून पेमेंट केल्यास सूट मिळेल. इंधन व्यवहारांवरही आता रकमेवर आधारित शुल्क लागू होईल.याशिवाय, काही कार्ड्सवर विमा पेमेंटसाठी रिवॉर्ड पॉइंट्स मिळणार असले तरी त्यावर कॅप असेल. केवळ Marriott Bonvoy कार्डवर याची मर्यादा नसेल. ग्राहकांनी या बदलांचा विचार करून जुलैपूर्वीच खर्चाचे नियोजन करावे, अन्यथा अनावश्यक शुल्क आणि रिवॉर्ड्स गमवण्याची शक्यता आहे.