मुंबईकरांसाठी गुड न्यूज, आणखी एका नवीन मार्गावर धावणार मेट्रो, तारीख आली समोर

मुंबई महानगर प्रदेश विकास प्राधिकरण (एमएमआरडीए) द्वारे उभारली जात असलेली मेट्रो 9 मार्गिकाही प्रवाशांच्या सेवेत दाखल होण्याच्या अंतिम टप्प्यात आहे. एकूण 12.6 किलोमीटर लांबीच्या या मार्गिकेतील दहिसर ते काशीगाव हा 4.4 किलोमीटरचा पहिला टप्पा लवकरच सुरू केला जाणार आहे. या मार्गिकेसाठी मागील आठवड्यात सीएमआरएस प्रमाणपत्र मिळाले आहे. याशिवाय मेट्रो 4 (32.32 किमी) आणि मेट्रो 4 अ (2.7 किमी) या मार्गिकांवर एकूण 32 स्थानके प्रस्तावित आहेत. पहिल्या टप्प्यात गायमुख ते कॅडबरी जंक्शन या मार्गावर मेट्रो सेवा सुरू करण्याची तयारी सुरू आहे.