BBM 6 : छोट्या डॉनने आपल्या आयुष्यातील सांगितली अशी गोष्ट, गहिवरला राकेश, म्हणाला 'आपण मूर्ख कारणावरून...'

याआधी  बिग बॉसने दिलेल्या कॅप्टनसी टास्कमध्ये छोटा डॉन आणि राकेश आमने-सामने आल्याचं पाहायला मिळालं. त्यावेळी छोट्या डॉनने पळवलं राकेश बापटच्या तोंडचं पाणी पळवलं. सुरुवातीला राकेश वरचढ ठरेल असं वाटत होतं, पण प्रभूने आपल्या चपळाईने टास्कमध्ये अशी बाजी मारली की राकेश पूर्णपणे गोंधळून गेला. डॉनच्या या खेळीमुळे घरात एकच हशा पिकला. यानंतर नेटकऱ्यांनी छोट्या डॉनचं कौतुक केलं. 'बारक्याला हलक्यात नाही घ्यायचा नाय', अशा कमेंट्स चाहत्यांनी केल्या.

प्रभू शेळके हा जालना जिल्ह्यातील परतूर तालु्क्यातील वलखेड गावचा रहिवासी. अत्यंत गरीब कुटुंबात त्याचा जन्म झाला. त्याला खरी ओळख सोशल मीडियातून मिळाली. पण सगळ्यांचं मनोरंजन करणारा हा छोटा डॉन गंभीर आजाराशी झुंज देत आहे. त्याला थॅलेसेमिया हा गंभीर आजार आहे. त्याच्या उपचारासाठी त्याच्या आईवडिलांनी वावरही विकलं. पण आपल्या या आजाराचं कुठलंही भांडवल न करता, त्यानं चाहत्यांचं मनोरंजन केलं. चाहत्यांकडून भरपूर प्रेम मिळवलं. त्यानं आपल्या संघर्षाची कहाणी याआधीही बिग बॉसच्या घरातील स्पर्धकांना सांगितली. यावेळी बिग बॉसचा होस्ट रितेश देशमुखसह सगळे स्पर्धक भावुक झाले होते.