TRENDING:
इतकंच नाही, तर ही सोसायटी दरवर्षी आपल्या सभासदांना उलट 'बोनस' म्हणून लाखो रुपये वाटते. ऐकायला हे एखाद्या स्वप्नासारखं किंवा फिल्मी कथेसारखं वाटेल, पण दक्षिण मुंबईच्या कुलाबा (Cuffe Parade) भागात हे प्रत्यक्षात घडतंय. या आश्चर्यकारक सोसायटीचं नाव आहे 'जॉली मेकर 1' (Jolly Maker 1).
मेंटेनन्सचं टेन्शन नाही, उलट मिळतो 'नफा'
मुंबईच्या हाय-राईज सोसायट्यांमध्ये साधारणपणे 2 ते 25 रुपये प्रति स्क्वेअर फूट मेंटेनन्स घेतला जातो. पण 'जॉली मेकर 1' मध्ये राहणाऱ्या लोकांसाठी ही डोकेदुखीच नाही.
advertisement
बिले आणि टॅक्स फ्री: येथील रहिवाशांचे सर्व म्युनिसिपल टॅक्स आणि इतर बिले स्वतः सोसायटीच भरते.
आजूबाजूच्या सोसायट्यांमध्ये जिथे हजारो रुपये मोजावे लागतात, तिथे या सोसायटीत फ्लॅटच्या आकारानुसार महिन्याला फक्त 1 पैसा प्रति स्क्वेअर फूट असा नाममात्र खर्च येतो.
सोसायटीकडे इतका पैसा येतो कुठून?
या सोसायटीच्या श्रीमंतीचे रहस्य तिच्या 'स्मार्ट इन्व्हेस्टमेंट'मध्ये दडलेले आहे. 1970 च्या दशकात जेव्हा जॉली ग्रुपने ही सोसायटी बांधली, तेव्हा त्यांनी एक दूरदृष्टी ठेवली होती.
फ्लॅट विकताना प्रत्येक मालकाला नरिमन पॉईंटमधील एका कमर्शियल प्रॉपर्टीमध्ये शेअर देण्यात आला होता.
आज त्या कमर्शियल प्रॉपर्टीचं मासिक भाडं तब्बल 50 लाख रुपयांच्या घरात आहे. या अफाट उत्पन्नातून सोसायटीचा खर्च भागवला जातो आणि उरलेला नफा रहिवाशांना लाभांश (Dividend) म्हणून दिला जातो.
लाभांशातून होते लाखो रुपयांची कमाई
येथे राहणाऱ्यांना फक्त फ्री मेंटेनन्सच मिळत नाही, तर दरवर्षी त्यांच्या बँक खात्यात मोठी रक्कम जमा होते. फ्लॅटच्या आकारानुसार हा लाभांश दिला जातो.
उदाहरण: 2023 मध्ये एका 2,500 स्क्वेअर फूट फ्लॅटच्या मालकाला 2.5 लाख रुपये लाभांश मिळाला होता. म्हणजे घरात राहूनच तुम्हाला वर्षाला लाखो रुपयांचे एक्स्ट्रा इन्कम मिळते.
केवळ लाभांशच नाही, तर या सोसायटीतील प्रॉपर्टीची व्हॅल्यूही वेगाने वाढत आहे. 2012 मध्ये येथील 21 व्या मजल्यावरील एक फ्लॅट 29 कोटी रुपयांना विकला गेला होता. आज या ठिकाणी फ्लॅटचा दर 75,000 रुपये प्रति स्क्वेअर फूटच्या पुढे आहे. सी-फेसिंग व्ह्यू, अलिशान बंगले आणि स्मार्ट इन्व्हेस्टमेंटमुळे 'जॉली मेकर 1' ही मुंबईतील सर्वात श्रीमंत आणि फायदेशीर सोसायटी मानली जाते.