स्वप्न पाहिले, ते पूर्ण केले
बी.कॉम (B.Com) झालेले ओंकार यांचे लहानपणापासून स्वप्न होते की, आपला स्वतःचा काही व्यवसाय असावा. याकरिता ते नेहमी प्रयत्न करत असत. शिक्षण पूर्ण झाल्यानंतर अनुभवासाठी या तरुणाने काही ठिकाणी नोकरी देखील केली, परंतु आवड मात्र स्वतःच्या व्यवसायाचीच होती.
कारसारखे दरवाजे, पॉवर विंडो काचा अन् TV, Car लाजवले अशी रिक्षा, विदर्भाच्या राणीचा VIDEO
advertisement
याच आवडीतून त्याने एक वर्षापूर्वी मिस्टर खिचडीवाला या नावाने खिचडी सेंटर सुरू केले. खानदेशी पद्धतीचा हा पदार्थ अगदी कमी भावात मिळत असल्याने नाशिककर त्याला चांगलाच प्रतिसाद देत आहेत.
एक वर्षात चार शाखा आणि 2-4 लाखांची उलाढाल
ओंकारने एक वर्षापूर्वी सुरू केलेल्या या मिस्टर खिचडीवाला व्यवसायाच्या आज तब्बल चार शाखा आहेत.
या यशाबद्दल बोलताना ओंकार सांगतात, नोकरी केली असती तर स्वप्न पूर्ण झाले नसते आणि पगाराची वाट बघावी लागली असती, परंतु आज स्वतःचा व्यवसाय करून मी माझे स्वप्नच नाही, तर घरच्यांचे स्वप्न देखील पूर्ण करत आहे.
आज ओंकार अनेक लोकांना रोजगार देऊन त्यांचे घर चालवण्यास मदत करत आहेत आणि या व्यवसायाच्या माध्यमातून ते दर महिन्याला 2 ते 4 लाखांची उलाढाल करत आहेत.
हा 22 वर्षीय तरुण आजच्या युवा पिढीसाठी एक उत्तम आदर्श बनला आहे, ज्याने शिक्षणासोबतच उद्योजकतेचा मार्ग निवडला आणि कमी वेळात मोठे यश मिळवले.