TRENDING:प्रमोद सुसरे यांनी सांगितले की, ते नोकरीनिमित्त पुण्यात आले होते. काही काळ त्यांनी नोकरी केली, मात्र नोकरीत मन रमत नसल्यामुळे स्वतःचा व्यवसाय सुरू करण्याचा निर्णय घेतला. 2018 साली हा व्यवसाय स्थापन केला. सुरुवातीला त्यांना अनेक अडचणींचा सामना करावा लागला.
advertisement
भंगार गोळा करतो म्हणून काही जण हसायचेही, मात्र त्यांनी त्याकडे दुर्लक्ष करत आपल्या कामावर लक्ष केंद्रित केले. भंगारातून विविध उत्पादने तयार करण्यास त्यांनी सुरुवात केली. या जुन्या वस्तूंपासून चेअर, ड्रम सोफा, टायर सोफा, स्कूटर डायनिंग टेबल अशा अनेक प्रकारच्या वस्तू बनवतात. आजपर्यंत त्यांनी 3 हजारांहून अधिक उत्पादने तयार केली आहेत. त्यांच्या उत्पादनांची विक्री देशभरात होत असून काही उत्पादने परदेशातही निर्यात केली जातात.
ही कल्पना सुचली कशी?
ही कल्पना त्यांना चीनमध्ये असताना सुचली. रांजणगावमध्ये एका कंपनीत काम करत असताना त्यांना कंपनीमार्फत चीनमध्ये जाण्याची संधी मिळाली. चीनमध्ये असताना त्यांनी एका दुकानात जुन्या टायरपासून फर्निचर बनवले जात होते. भारतात परतल्यावर त्यांनी अशाच प्रकारच्या व्यवसायात काम केले आणि अनुभव घेतला. नंतर त्यांनी स्वतःची कंपनी सुरू केली. गेल्या वर्षी त्यांच्या व्यवसायाची वार्षिक उलाढाल 3 कोटी रुपये होती. येत्या दोन वर्षांत ती 5 कोटी रुपयांपर्यंत नेण्याचा त्यांचा मानस आहे.