UPSC Success Story : घरी बेताची परिस्थिती, पण त्याने ठरवलं 'अधिकारी व्हायचं'; शेवटी सालगड्याच्या पोरानं करून दाखवलं

जालना : जिद्द असली की, माणूस मोठे यश मिळवू शकतो. जालन्यातील भोकरदन तालुक्यातील जळगाव सपकाळ येथील भिकन जगन रोजेकर याने हे सिद्ध करून दाखवलं आहे. यूपीएससी परीक्षेत 892 रँक मिळवून जिद्दी आणि संघर्षमय यश मिळवले आहे. घरची परिस्थिती सांगायची तर बेताचीच, पण भिकनच्या मनात एकच स्वप्न होतं ते म्हणजे साहेब व्हायचं! पदरात अपयश आलं तरी खचून न जाता, त्याने सलग पाचव्या प्रयत्नात हे यश खेचून आणलंय. आता भिकनला आयपीएस (IPS) केडर मिळण्याची दाट शक्यता आहे. तसेच भिकन रोजेकर याच्या संघर्षमय प्रवासाबद्दल लोकल 18 च्या माध्यमातून सविस्तर माहिती जाणून घेऊ.