आयबीए, बँक अधिकारी आणि कर्मचाऱ्यांच्या संघटनांसोबत बातचित करुन वार्षिक वेतनात संशोधन करते. या दरम्यान ऑल इंडिया बँक ऑफिसर्स कन्फेडरेशनने म्हटलं की, शनिवारी सुट्ट्याच्या रुपात मंजुरी देण्यावरही सहमती झाली. मात्र कामकाजाच्या तासांमध्ये सुधारणेचा प्रस्तावर सरकारी अधिसूचनेनंतर प्रभावी होईल.
बँक ते शेअर बाजार तीन दिवस बंद राहणार, ATM मध्येही खडखडाट
महिला बँक कर्मचाऱ्यांना मिळणार खास परवानगी
advertisement
बँक अधिकाऱ्यांच्या संघटनेने म्हटलं की, 'नवीन वेतनश्रेणी 8088 अंकांच्या महागाई भत्ता (DA) आणि त्यावर अतिरिक्त वेटेज समाविष्ट करून निर्धारित करण्यात आली आहे.' नवीन वेतन कराराअंतर्गत सर्व महिला कर्मचाऱ्यांना वैद्यकीय प्रमाणपत्र न देता देखील दर महिन्याला एक दिवसाची सिक लिव्ह म्हणजेच आजार रजा घेता येईल. यामध्ये म्हटलं आहे की, संचित विशेषाधिकार सुट्टी (पीएल) सेवानिवृत्तीच्या वेळी किंवा सेवेदरम्यान कर्मचाऱ्याचा मृत्यू झाल्यावर 255 दिवसांपर्यंत कॅश केले जाऊ शकते.
RBI बँकेचा पेटीएम ग्राहकांना लाख मोलाचा सल्ला, न ऐकल्यास होईल लाखोंचं नुकसान
बँकांची संघटना आयबीएचे मुख्य कार्यपालक अधिकारी सुनिल मेहता यांनी सोशल मीडिया प्लॅटफॉर्म 'एक्स' वर एका संदेशात म्हटलं की, 'आज बँक उद्यासाठी महत्त्वपूर्ण आहे. आयबीए आणि यूएफबीयू, एआयबीओयू, एआयबीएएसएम आणि बीकेएसएमने बँक अधिकारी आणि कर्मचाऱ्यांसाठी वेतन संशोधनाच्या संबंधात नवव्या संयुक्त नोट आणि 12 व्या द्विपक्षीय करारावर स्वाक्षरी केली आहे. हे एक नोव्हेंबर 2022 पासून प्रभावी होईल.'
सेवानिवृत्त कर्मचाऱ्यांच्या बाबतीत, सार्वजनिक क्षेत्रातील बँकांद्वारे भरलेल्या पेन्शन/कौटुंबिक निवृत्ती वेतनाव्यतिरिक्त मासिक अनुग्रह रक्कम दिली जाईल यावर सहमती झालेली आहे. ही रक्कम त्या पेन्शनधारकांना आणि कुटुंबियांना मिळेल जे 31 ऑक्टोबर 2022 किंवा त्यापूर्वी पेन्शन मिळवण्यासाठी पात्र असतील. त्या तारखेला सेवानिवृत्त होणारे लोकही या कक्षेत येतील.