जर तुम्हाला दरवर्षी अंदाजे 12 टक्के परतावा मिळत असेल तर 11 हजार रुपयांची एसआयपी करून तुम्ही 20 वर्षांत 1.09 कोटी रुपयांचा फंड तयार करू शकता. जर तुम्हाला दरवर्षी अंदाजे 15 टक्के परतावा मिळत असेल तर सात हजार रुपयांची एसआयपी करून 20 वर्षांत 1.06 कोटी रुपयांचा फंड जमा होऊ शकतो.
'या' घटकांवर अवलंबून असतो परतावा
advertisement
गुंतवणुकीचा कालावधी, अपेक्षित फंड, गुंतवणूक रक्कम आणि परताव्याची टक्केवारी या चार गोष्टींवर एसआयपीमधून मिळणारा परतावा अवलंबून असतो. पहिल्या तीन गोष्टींची अंमलबजावणी करणं गुंतवणूकदारांच्या हातात असतात. पण, मिळणाऱ्या परताव्याची टक्केवारी ही कोणाच्याही हातात नसते. एसआयपीमध्ये मिळणारा परतावा पूर्णपणे शेअर मार्केटमधील घडामोडींवर अवलंबून असतो. पण, तुम्ही जितक्या जास्त कालावधीसाठी एसआयपी कराल तितका तुम्हाला कंपाउंडिंगचा फायदा मिळेल.
एसआयपीमध्ये गुंतवणूक करताना एक गोष्ट लक्षात ठेवावी की, एसआयपीतून कधीही एकसमान परतावा मिळत नाही. त्यात सतत चढ-उतार होत असतात. म्हणून, आपल्या क्षमतेनुसार शक्य तितके जास्त पैसे एसआयपीमध्ये गुंतवले पाहिजेत.
रेग्युलर एसआयपी, स्टेप-अप एसआयपी, फ्लेक्सिबल एसआयपी असे एसयआपीचे प्रकार आहेत. तज्ज्ञांचा सल्ला घेऊन तुम्ही स्वत:साठी योग्य एसआयपी निवडू शकता. मात्र, सर्व बचत म्युच्युअल फंडात गुंतवणं योग्य नाही, असं आर्थिक तज्ज्ञांचं म्हणणं आहे. तुम्ही काही पैसे सोनं, कर्ज, मालमत्ता इत्यादींमध्येही गुंतवू शकता.