माई वडापाव सेंटरसाठी बाहेरचे मसाले न वापरता घरी तयार केलेले मसाले वापरले जातात. तसेच दररोज मसाले तयार होतात आणि सकाळी 5 वाजल्यापासून बटाटे उकडण्याचे या सेंटरचे काम सुरू होते. दिवसभरात 1 हजार वडापाव या ठिकाणी विकले जातात. एक वडापाव येथे 15 रुपयांना मिळतो. त्या वडापाव सोबत शेंगदाणे व लाल मिरची चटणी देखील दिली जाते, त्यामुळे या ठिकाणी नेहमी ग्राहकांची वर्दळ होत असते. हे वडापाव सेंटर पडेगाव येथे नाशिक रस्त्यावर असून या ठिकाणाहून वेरूळ, दौलताबाद, खुलताबाद या ठिकाणी पर्यटक आणि भाविक फिरायला जात असतात. त्यामुळे रस्त्यावरून जात असताना सर्वजण या ठिकाणी नाश्ता करतात.
advertisement
Monsoon Recipe: पावसाळ्यात चटपटीत खावंसं वाटतंय? झटपट बनवा रव्याचे कुरकुरे, रेसीपीचा संपूर्ण Video
आमच्या वडापाव सेंटरवर एका ग्राहकाने एकदा वडापाव खाल्ला की, ते ग्राहक दुसऱ्या वेळेसही तितक्याच आवडीने खातात व वडापावचे गुणही गातात. त्यामुळे क्वालिटी टिकवून ठेवणे अत्यंत महत्त्वाचे असते. व्यवसाय करताना अनेक अडचणी येतात; मात्र त्यावर मात करून आपले काम सुरू ठेवावे लागते. तसेच कोणताही व्यवसाय मन लावून केला आणि त्यात सातत्य ठेवले, तर नक्कीच यश मिळते, असे देखील जगताप यांनी म्हटले आहे.