याप्रकरणी पोलिसांनी गुन्हा दाखल करून आरोपी दुकानदाराला अटक केली आहे. यासंदर्भात 'आज तक'ने वृत्त दिलं आहे. मुंबई पोलीस झोन-6 चे डीसीपी हेमराज राजपूत यांनी दिलेल्या माहितीनुसार, ट्रॉम्बे पोलीस ठाण्याच्या हद्दीत येणाऱ्या महाराष्ट्रनगरमध्ये 19 वर्षीय प्रथमेश भोकसेचा मृत्यू झाला आहे. त्याने 3 मे रोजी संध्याकाळी सहा वाजता चिकन शोरमा खाल्ला होता. दुसऱ्या दिवशी 4 मे रोजी सकाळी सात वाजता त्याला पोटदुखी आणि उलट्यांचा त्रास सुरू झाला. सुरुवातीला कुटुंबीयांनी प्रथमेशला प्रथम जवळच्या डॉक्टरांना दाखवलं. डॉक्टरांच्या औषधाने थोडा आराम मिळाल्यावर तो घरी आला आणि यानंतर त्याने दिवसभर काहीही खाल्लं नाही.
advertisement
Mumbai News : गच्चीच्या कडेवर उभा राहिला, 15व्या मजल्यावरून मारली उडी; मुंबईतल्या घटनेने खळबळ
5 मे रोजी सकाळी 8 वाजल्यापासून प्रथमेशला पुन्हा पोटदुखी, उलट्या आणि जुलाबाचा त्रास सुरू झाला. त्यानंतर कुटुंबियांनी त्याला केईएम रुग्णालयात नेलं, तिथे डॉक्टरांनी प्रथमेशवर उपचार करून त्याला घरी परत पाठवलं, मात्र संध्याकाळी प्रथमेशला पुन्हा त्रास होऊ लागला, त्यामुळे त्याला कुटुंबियांनी पुन्हा केईएम रुग्णालयात नेलं. त्याची बिघडती तब्येत पाहून डॉक्टरांनी त्याला दाखल करून घेतलं. डॉक्टरांच्या उपचारानंतरही प्रथमेशच्या तब्येतीत सुधारणा झाली नाही. त्यानतंर 7 मे रोजी सकाळी साडेदहाच्या सुमारास प्रथमेशचा मृत्यू झाला. या प्रकरणी पोलिसांनी दुकानदार आनंद कांबळे आणि मोहम्मद अहमद रझा यांना अटक केली आहे. याशिवाय शोरमाचे सॅम्पल घेऊन ते तपासणीसाठी पाठवण्यात आले आहेत.
सुरुवातीच्या तपासानुसार, खराब झालेल्या चिकनपासून बनवलेला शोरमा खाल्ल्यानंतर प्रथमेशची तब्येत बिघडली आणि त्यानंतर त्याचा मृत्यू झाला. याप्रकरणी आयपीसी कलम 304, 336, 273/34 अन्वये गुन्हा दाखल करण्यात आला असून दोन्ही आरोपींची चौकशी सुरू आहे.