ऍपलच्या नव्या आयफोन 17 च्या खरेदीसाठी मुंबईतील बीकेसी जिओ सेंटरमध्ये मोठी गर्दी उसळली होती. प्रचंड उत्साह आणि उत्सुकतेच्या वातावरणात, नवीन फोन लवकर मिळवण्यासाठी लोकांमध्ये धक्काबुक्की सुरू झाली. गर्दीचा वाढता दबाव आणि ग्राहकांमध्ये असलेला ताण यामुळे काही लोकांमध्ये बाचाबाची झाली आणि याचे रूपांतर छोट्याशा झटापटीत झाले.
परिस्थिती नियंत्रणाबाहेर जात असल्याचे पाहून सुरक्षा कर्मचाऱ्यांना तात्काळ हस्तक्षेप करावा लागला. त्यांनी लोकांना शांत करून परिस्थिती पुन्हा नियंत्रणात आणली. या घटनेने आयफोनसाठी असलेल्या क्रेझची एक वेगळीच बाजू समोर आली, जिथे ग्राहकांनी केवळ फोन मिळवण्यासाठी एकमेकांशी वाद घातला.
advertisement
Apple च्या नव्या iPhone 17 Pro Max ने लाँच होताच धुमाकूळ घातला आहे. विशेषतः या फोनच्या कॉस्मिक ऑरेंज रंगाची मागणी इतकी प्रचंड आहे की, अमेरिका आणि भारत दोन्ही देशांमध्ये अवघ्या तीन दिवसांतच त्याचा संपूर्ण स्टॉक संपला आहे. भारतात तर Apple च्या अधिकृत स्टोअर्समध्येही सध्या हा फोन इन-स्टोअर पिकअपसाठी उपलब्ध नाही.
कॉस्मिक ऑरेंज एवढा खास का?
Apple च्या तज्ज्ञांनुसार, iPhone 17 Pro Max Cosmic Orange साठी मोठ्या प्रमाणात प्री-बुकिंग झाली, ज्यामुळे तो इतक्या लवकर विकला गेला. कॉस्मिक ऑरेंज हा रंग iPhone 17 सीरिजमध्ये पहिल्यांदाच हा रंग आणला आहे. त्याचा आकर्षक प्रीमियम मॅट फिनिश ग्राहकांना खूप आवडला आहे. वाढती मागणी लक्षात घेता, कंपनी आता या रंगाचा नवीन स्टॉक लवकरच उपलब्ध करण्यासाठी काम करत आहे.
किती रुपयांना मिळणार आयफोन
iPhone 17 256GB - 82,900 रुपये
iPhone 17 512GB - 1,02,900 रुपये
iPhone Air 256GB - 1,19,900 रुपये
iPhone Air 512GB - 1,39,900 रुपये
iPhone Air 1TB - 1,59,900 रुपये
iPhone 17 Pro 256GB - 1,34,900 रुपये
iPhone 17 Pro 512GB - 1,54,900 रुपये
iPhone 17 Pro 1TB - 1,74,900 रुपये
iPhone 17 Pro Max 256GB - 1,49,900 रुपये
iPhone 17 Pro Max 512GB - 1,69,900 रुपये
iPhone 17 Pro Max 1TB -1,89,900 रुपये
iPhone 17 Pro Max 2TB - 2,29,900 रुपये