TRENDING:
नेमकं काय घडलं?
मुलुंडमध्ये मेट्रो लाईन ४ चे काम वेगाने सुरू आहे. नेहमीप्रमाणे रस्त्यावर वाहनांची वर्दळ असताना, अचानक २५ फुटांच्या उंचीवर असलेला मेट्रोच्या खांबाचा काही भाग आणि लोखंडी सळ्याचा एक भाग थेट खाली कोसळला. हा भाग इतका अवजड होता की, खाली उभ्या असलेल्या दोन ते तीन वाहनांचे मोठे नुकसान झाले. यात एका रिक्षावर हा स्लॅब थेट आदळल्याने रिक्षाचा वरचा भाग पूर्णपणे चेपला गेला.
advertisement
३ ते ४ जण जखमी, परिसरात खळबळ
मिळालेल्या प्राथमिक माहितीनुसार, या भीषण अपघातात ३ ते ४ जण जखमी झाले आहेत. जखमींना तातडीने जवळच्या रुग्णालयात दाखल करण्यात आले असून त्यांची प्रकृती स्थिर असल्याचे समजते. घटनेनंतर परिसरात मोठी गर्दी जमली असून काही काळ वाहतूक विस्कळीत झाली होती. या दुर्घटनेचा एक अंगावर शहारे आणणारा व्हिडिओ समोर आला आहे. व्हिडिओमध्ये स्पष्ट दिसत आहे की, रिक्षा चालकाचा पाय हा स्लॅबखाली दबाला गेला आहे. त्यामुळे त्याला बाहेर पडता येत नाही. काही सेकंदांच्या फरकाने त्याचा जीव वाचला.
प्रशासनाच्या हलगर्जीपणावर संताप
मुलुंडमधील या घटनेमुळे स्थानिकांमध्ये संतापाची लाट उसळली आहे. यापूर्वीही मुंबईत मेट्रोच्या कामादरम्यान अशा घटना घडल्या आहेत, पण आजच्या घटनेने प्रवाशांच्या सुरक्षिततेचा मुद्दा पुन्हा ऐरणीवर आणला आहे. तर दुसरीकडे मेट्रोच्या बांधकामात हलगर्जीपणा होतोय का असाही प्रश्ना काही नागरिकांनी उपस्थित केला आहे.