यातील एक मृतदेह महिलेचा तर एक पुरुषाचा असल्याचं समोर आलं आहे. होर्डिंगच्या खाली अडकलेल्या कारमधून हे मृतदेह काढण्यात आले आहेत. होर्डिंगच्या खाली धडकलेल्या कारमधून दोन मृतदेह (1 पुरुष आणि महिला) काढण्यात आले आहेत. होर्डिंग दुर्घटनास्थळी अजूनही मोठ्या प्रमाणात लोखंडी ढिगारा आहे. लोखंडी ढिगाऱ्याखाली आणखी लोक अडकल्याची भीती व्यक्त करण्यात येत आहे. त्यामुळे अपघातातील मृतांच्या संख्येत आणखी वाढ होण्याची शक्यता आहे. बचावकार्य अजूनही सुरूच आहे
advertisement
घाटकोपर होर्डिंग प्रकरणी नवा VIDEO समोर, काळजात धडकी भरवणारे ते 3 सेकंद
नियमांना कचऱ्याची टोपली दाखवून हे होर्डिंग अनधिकृतपणे त्या ठिकाणी लावण्यात आलं होतं. इतकंच नाही तर होर्डिंगसंदर्भात नोटीसही बजावण्यात आली होती. या सगळ्याला केराची टोपली दाखवून होर्डिंग तसंच ठेवण्यात आलं होतं. सोमवारी अवकाळी पाऊस आणि वादळी वाऱ्यामुळे हे होर्डिंग कोसळून मोठी दुर्घटना घडली होती.
सोमवारी संध्याकाळी मुंबईतील घाटकोपरमध्ये पेट्रोल पंपाशेजारी असलेलं होर्डिंग कोसळून मोठी दुर्घटना घडली. 120 बाय 120 फूट आकाराचं होर्डिंग कोसळल्याने जवळपास 100 लोक अडकले होते. या दुर्घटनेत आतापर्यंत 17 जणांचा मृत्यू झाला असल्याचं समोर आलं आहे. आकडा आणखी वाढण्याची भीती आहे.