कडाक्याच्या उन्हात वाघोबाचा थाट, सिद्धार्थ उद्यानात बसविण्यात आली खास कूलिंग व्यवस्था, Video

‎सिद्धार्थ उद्यानात सध्या पाच बंगाली वाघ, चार पांढरे वाघ आणि सिंहाची एक जोडी अशी एकूण दहा मोठे वन्यप्राणी आहेत. उन्हाळ्याच्या दिवसांत या प्राण्यांना उष्णतेचा त्रास होऊ नये यासाठी त्यांच्या पिंजऱ्यांमध्ये मोठ्या क्षमतेचे कुलर बसवण्यात आले आहेत. कडाक्याच्या उन्हात वाघ आणि सिंह या कुलरसमोर बराच वेळ बसून थंडावा घेताना पाहायला मिळतात. त्यामुळे त्यांना उष्णतेपासून काही प्रमाणात दिलासा मिळत आहे.

अनेक वर्षांपासून प्राण्यांची काळजी घेणारे कर्मचारी मोहम्मद जिया करत आहेत. ते नियमितपणे वाघ आणि सिंहांच्या हालचालींवर लक्ष ठेवतात, कुलर योग्य प्रकारे चालू आहेत का याची तपासणी करतात तसेच गरजेनुसार पाण्याचा शिडकावा करून प्राण्यांना थंडावा मिळेल याची काळजी घेतात. प्राण्यांच्या आरोग्यावर कोणताही परिणाम होऊ नये यासाठी त्यांना वेळोवेळी पाणी आणि आहार देखील योग्य प्रमाणात दिला जातो. त्यांच्या आहारातही काही बदल करण्यात येतात. पचायला हलका आणि शरीराला उष्णता कमी देणारा आहार देण्यावर भर दिला जातो. तसेच प्राण्यांच्या आरोग्याची नियमित तपासणीही केली जाते.

‎