Weather Alert : महाराष्ट्रात उष्णतेचा पारा चढाच, गुरुवारी सूर्य आग ओकणार, या जिल्ह्यांना यलो अलर्ट

महाराष्ट्रात उन्हाचा पारा चांगलाच वाढलेला दिसतोय. 12 मार्च रोजी उष्ण आणि दमट हवामान कायम राहण्याचा अंदाज हवामान खात्याने वर्तविला आहे. विशेषतः उत्तर कोकण, मराठवाडा आणि विदर्भात उष्ण हवामान राहील. महाराष्ट्रातील 5 जिल्ह्यांना हवामान खात्याने उष्णतेचा यलो अलर्ट दिला आहे.

कोकण विभागातील मुंबई, ठाणे, रायगड, रत्नागिरी, सिंधुदुर्ग आणि पालघरमध्ये उष्ण आणि दमट हवामान राहील. मुंबईत कमाल 34-38 अंश सेल्सियस तर किमान 24-27 अंश सेल्सियस तापमान राहील. मुंबई, ठाणे, रायगड आणि पालघरला उष्णतेचा यलो अलर्ट देण्यात आला आहे.

पश्चिम महाराष्ट्रातील पुणे, सातारा, सांगली, कोल्हापूर आणि सोलापूरमध्ये कोरडे आणि उष्ण हवामान राहील. पुण्यात कमाल 35-38 अंश सेल्सियस तर किमान 18-21 अंश सेल्सियस तापमान राहील.

उत्तर महाराष्ट्रातील नाशिक, धुळे, जळगाव, नंदुरबारमध्ये तापमान वाढ पाहायला मिळेल. नाशिकमध्ये दिवसा 34-37 अंश सेल्सियस तर किमान 19-22 अंश सेल्सियस तापमान राहील.

मराठवाड्यातील छत्रपती संभाजीनगर, जालना, बीड, लातूर, नांदेड, परभणी आणि धाराशिवमध्ये उष्ण आणि कोरडे हवामान राहील. कमाल 35-39 अंशांपर्यंत तर किमान 20-23 अंश सेल्सियस तापमान राहील.

विदर्भातील नागपूर, अमरावती, अकोला, वाशिम, यवतमाळ, चंद्रपूर, गडचिरोली, बुलढाणा सर्वाधिक उष्णता जाणवेल. कमाल 36-40 अंश तर किमान 21-24 अंश सेल्सियस तापमान राहील.

एकंदरीत, 12 मार्चला महाराष्ट्रात उन्हाळ्याचा तीव्र चटका कायम राहील. नागरिकांनी भरपूर द्रवपदार्थ घ्या, सूर्यप्रकाश टाळा आणि उष्णतेच्या लक्षणांवर लक्ष ठेवा.