TRENDING:
कफ परेड ते आरे कॉलनीपर्यंत धावणारीही मेट्रो दक्षिण मुंबई आणि मुंबई उपनगरांना कनेक्टिव्हिटी देते. मुंबई वाहतूक पोलिसांनी दिलेल्या माहितीनुसार, ज्या गेट्सवरून प्रवासी मेट्रो स्टेशनच्या आत आणि बाहेर जातात तिथे अनेक प्रवासी आपली वाहनं पार्क करतात. त्यामुळे मेट्रो स्टेशनच्या समोर वाहनांच्या लांबच लांब रांगा लागतात. अनेक वाहनधारक गेटच्या समोरच त्यांची वाहने पार्किंग करत असल्यामुळे बीएमसीची चांगलीच डोकेदुखी वाढताना दिसत आहे. "पुढील आदेश येईपर्यंत कायमस्वरूपी हा नियम प्रवाशांना लागू करण्यात येणार आहे. मेट्रो लाईन 3 च्या सर्व स्थानकांच्या एन्ट्री आणि एक्झिट गेट्सच्या समोरचा परिसर 'नो पार्किंग एरिया' म्हणून घोषित करणे आवश्यक आहे.", मुंबई महापालिकेने दिलेल्या अधिकृत सूचनेत असे म्हटले आहे.
advertisement
'मेट्रो लाईन 3' ही सेवा मुंबईतील प्रमुख व्यावसायिक ठिकाणांना, शैक्षणिक संस्थांना, धार्मिक स्थळांना आणि प्रमुख शॉपिंग हब यांना जोडते. मेट्रो लाईन सुरू झाल्यापासून, मुंबईकरांकडून 'मेट्रो लाईन 3' ला मोठा प्रतिसाद मिळत आहे. ही मेट्रो अनेक नोकरदारांची कामावर पोहोचण्यासाठी त्यांच्या दैनंदिन वाहतुकीचा भाग बनली आहे. अधिकृत आकडेवारीनुसार, ऑक्टोबरपासून सुरू झालेल्या या मेट्रो मार्गावर एकूण 38.63 लाख प्रवाशांची संख्या नोंदवली आहे, ज्यापैकी दररोज सरासरी 1,41,024 प्रवासी प्रवास करत आहेत. गेल्या वर्षी, वाहतूक पोलिसांच्या सर्वेक्षणात असेही दिसून आले की मेट्रो सुरू झाल्यापासून छत्रपती शिवाजी महाराज टर्मिनस (सीएसएमटी) परिसरातील गर्दी 30 टक्क्यांनी कमी झाली आहे.