TRENDING:
मिळालेल्या माहितीनुसार, मुंब्रा येथील एमएम व्हॅली परिसरात दुपारी २ वाजेच्या सुमारास ही घटना घडली. अविनाश दवंडे (वय 20) आणि संगम फुलशेरे (वय 17) अशी मृतांची नावं आहे. हे दोघेही ठाकूरपाडा मुंब्रा येथील रहिवासी आहे. त्यांच्यासोबत तिसरा युवक महेश वारे (वय 18) हा गंभीर जखमी असून, त्याच्या पायाला गंभीर दुखापत झाली आहे. त्याच्यावर रुग्णालयात उपचार सुरू आहे
advertisement
ओव्हरटेक जिवावर बेतला
अविनाश दवंडे, संगम फुलशेरे आणि महेश वारे हे तिघेही तरुण स्कुटीवरून एमएम व्हॅली परिसरातून जात होते. वळणावर शाळेच्या बसला ओव्हरटेक करण्याच्या प्रयत्न केला पण अचानक स्कुटी रस्त्यावर घसरली. तोल गेल्यामुळे स्कुटीवरील तिघेही खाली कोसळले आणि नेमकं त्याचवेळी पाठीमागून आलेल्या बसच्या चाकाखाली सापडले. यामध्ये पुढील आणि मागील चाकाखाली आल्याने दोन युवकांचा जागीच मृत्यू झाला, तर एक जण गंभीर जखमी झाला आहे.
जखमी महेश वारेला सध्या मुंब्रा येथील हकीम हजमल खान रुग्णालयात उपचार सुरू आहेत. या घटनेचा सीसीटीव्ही व्हिडीओ समोर आला आहे. सीसीटीव्ही फुटेजमध्ये दिसत आहे की, दुचाकीस्वार वेगात बसच्या पुढे जाण्याचा प्रयत्न करत होता. मात्र, अचानक गाडीचा तोल गेल्याने ही भीषण दुर्घटना घडली. या घटनेमुळे परिसरात शोककळा पसरली असून, मृतांच्या कुटुंबियांवर दुःखाचा डोंगर कोसळला आहे. नागरिकांकडून वाहतूक नियमांचे पालन करण्याचे आवाहन करण्यात येत आहे.