Mumbai : वेस्टर्न एक्सप्रेस हायवे ते बीकेसी प्रवास होणार सुसाट,35 मिनिटांचा वेळ वाचणार; नेमका कधी होणार खुला?

35 मिनिटांच्या कोंडीतून सुटका

सांताक्रूझ–चेंबूर लिंक रोड वरील बहुप्रतीक्षित कनेक्टर आर्मचे काम आता अंतिम टप्प्यात पोहोचले आहे. हा कनेक्टर वेस्टर्न एक्स्प्रेस महामार्ग आणि मुंबईतील प्रमुख व्यापारी केंद्र असलेल्या वांद्रे-कुर्ला संकुलाला थेट आणि जलद जोडण्यासाठी उभारण्यात येत आहे. हा प्रकल्प पूर्ण झाल्यानंतर मुंबईकरांना मोठा दिलासा मिळणार आहे.

सध्या बीकेसीकडे जाण्यासाठी वाहनचालकांना मोठ्या वळणांचा आणि वाहतूक कोंडीचा सामना करावा लागतो. विशेषतहा कार्यालयीन वेळेत या मार्गांवर प्रचंड गर्दी दिसून येते. मात्र SCLR वरील हा नवा कनेक्टर सुरू झाल्यानंतर पश्चिम द्रुतगती महामार्गावरून थेट बीकेसीत प्रवेश करणे अधिक सोपे आणि वेळ बचत करणारे ठरणार आहे. जे अंतर थेट 30 ते 35 मिनिटांनी कमी होईल अशी शक्यता वर्तवण्यात आली आहे.

advertisement

महापालिका आणि संबंधित यंत्रणांकडून या कनेक्टर आर्मचे काम युद्धपातळीवर सुरू असून पूल, रॅम्प, संरक्षक भिंती तसेच रस्त्यावरील शेवटची डांबरीकरणाची कामे अंतिम टप्प्यात आहेत. त्याचबरोबर सिग्नल यंत्रणा, रस्त्यावरील चिन्हे आणि सुरक्षेसंबंधी आवश्यक व्यवस्था करण्यात येत आहे.

सांताक्रूझ–चेंबूर ट्रॅफिक कोंडीला लागणार ब्रेक

हा कनेक्टर सुरू झाल्यानंतर कुर्ला, सांताक्रूझ, वांद्रे आणि आसपासच्या परिसरातील वाहतूक मोठ्या प्रमाणात सुरळीत होण्याची अपेक्षा आहे. दररोज बीकेसीत कामासाठी जाणाऱ्या हजारो वाहनचालकांचा प्रवास वेळ कमी होईल तसेच इंधनाचीही बचत होणार आहे. एकूणच सांताक्रूझ-चेंबूर लिंक रोडवरील हा कनेक्टर आर्म मुंबईच्या वाहतूक व्यवस्थेत महत्त्वाचा बदल घडवणारा ठरेल असा विश्वास व्यक्त केला जात आहे.