TRENDING:
नेमकी घटना काय?
आज १६ मार्च रोजी राज्यसभेसाठी ओडिशात मतदान होत आहे. घोडेबाजार टाळण्यासाठी ओडिशातील काँग्रेसच्या १४ पैकी ८ आमदारांना बेंगळुरू येथील एका रिसॉर्टमध्ये ठेवण्यात आले होते. कर्नाटकचे उपमुख्यमंत्री डी.के. शिवकुमार यांनी आरोप केला की, चार ते पाच लोकांनी या हॉटेलमध्ये घुसून काँग्रेस आमदारांना ५ कोटी रुपयांची ऑफर दिली आणि क्रॉस व्होटिंगसाठी दबाव टाकला. एफआयआर दाखल झाल्यानंतर पोलिसांनी तत्काळ कारवाई करत आरोपींना बेड्या ठोकल्या.
advertisement
हॉटेलमध्ये काय सापडले?
कोरापुटचे खासदार सप्तगिरी शंकर उलाका यांनी दिलेल्या माहितीनुसार, अटक करण्यात आलेले आरोपी ओडिशाच्या राउरकेला येथील आहेत. त्यांच्याकडे कोरे चेक (Blank Checks) सापडले असून, चौकशीत त्यांनी भाजप समर्थित अपक्ष उमेदवार दिलीप राय यांचे नाव घेतल्याचे समजते. ज्या हॉटेलमध्ये हे आमदार थांबले होते, ते हॉटेलदेखील दिलीप राय यांच्या मालकीचे असल्याचा आरोप काँग्रेसने केला आहे.
राज्यसभेचे राजकीय समीकरण
ओडिशामध्ये राज्यसभेच्या ४ जागांसाठी ५ उमेदवार रिंगणात आहेत. भाजपकडून मनमोहन सामल आणि सुजीत कुमार हे निवडणुकीच्या रिंगणात आहेत. तर, बिजू जनता दलाकडून संतृप्त मिश्रा आणि भाजपचा पाठिंबा असलेले अपक्ष उमेदवार दिलीप राय हे निवडणुकीच्या रिंगणात आहेत. विरोधकांकडून काँग्रेस-सीपीएमचा पाठिंबा असलेले दत्तेश्वर होता हे उमेदवार आहेत. चौथ्या जागेसाठी दोन अपक्षांमध्ये चुरशीची लढत होणार असल्याचे दिसत आहे. त्यासाठीच फोडाफोडीचे राजकारण सुरू झाल्याचे म्हटले जात आहे.
आरोप-प्रत्यारोपांच्या फैरी
"भाजप धनशक्तीचा वापर करून लोकशाहीची हत्या करत आहे. आमच्या आमदारांना धमकावण्यात आले," असा आरोप ओडिशा काँग्रेस अध्यक्ष भक्त चरण दास यांनी केला. तर, भाजप प्रवक्ते अनिल बिस्वाल यांनी हे सर्व आरोप फेटाळून लावले आहेत. "काँग्रेसला पराभव स्पष्ट दिसत असल्याने ते असे खोटे दावे करत आहेत," असे त्यांनी म्हटले आहे.