Farooq Abdullah : पळत आला, डोक्यावर बंदूक ताणली अन् सेकंदाच्या फरकाने वाचले फारूक अब्दुल्लाह, CCTV व्हिडीओ समोर!

सीसीटीव्ही फुटेजही समोर

फारुख अब्दुल्ला यांच्यावरील हल्ल्याच्या घटनेचे सीसीटीव्ही फुटेजही समोर आले आहे. त्यात हल्लेखोर कमल सिंग जामवाल मागून येत फारुखच्या डोक्यावर बंदूक रोखताना दिसत आहे. सुरक्षा कर्मचाऱ्यांनी ताबडतोब हल्लेखोराचा हात काढून टाकला, ज्यामुळे बंदूक हवेत गोळीबार करू लागली. त्यानंतर सुरक्षारक्षकांनी फारुख यांना सुरक्षित स्थळी नेलं अन् हल्लेखोराला अटक देखील करण्यात आली आहे. या घटनेवर जम्मू आणि काश्मीरच्या मुख्यमंत्र्‍यांनी नाराजी व्यक्त केलीये.

advertisement

लोड केलेल्या पिस्तूलमधून गोळी झाडली

अल्लाहची मेहेरबानी आहे. माझ्या वडिलांवरचा जीवघेणा प्रसंग थोडक्यात टळला. सध्या या घटनेचे सविस्तर तपशील समोर आलेले नाहीत, परंतु मिळालेल्या माहितीनुसार, एका बंदूकधारी व्यक्तीने अत्यंत जवळून लोड केलेल्या पिस्तूलमधून गोळी झाडली. केवळ क्लोज प्रोटेक्शन टीमने ती गोळी वळवली आणि हत्येचा हा प्रयत्न हाणून पाडला, असं उमर अब्दुल्ला म्हणाले.

झेड प्लस आणि एनएसजी सुरक्षा असताना...

दरम्यान, हल्ला झाल्यानंतर आता या क्षणी उत्तरांपेक्षा प्रश्नच जास्त आहेत; विशेषतः झेड प्लस आणि एनएसजी सुरक्षा कवच लाभलेल्या एका माजी मुख्यमंत्र्यांच्या इतक्या जवळ एखादी व्यक्ती पोहोचूच कशी शकते, हा मोठा प्रश्न आहे, असं सवाल उमर अब्दुल्ला यांनी विचारला आहे.