TRENDING:
विरोधकांचेही संख्याबळ समप्रमाणात होत असल्याने मोठा पेच निर्माण झाला होता. अशा वेळी शिंदे गटाने राष्ट्रवादीचा पाठिंबा घेतला. त्यामुळे विरोधकांच्या संख्याबळावर त्याचा परिणाम झाला.
स्वीकृत नगरसेवकपदावर पुन्हा वाद
मुंबई महानगरपालिकेत स्वीकृत नगरसेवक पदांच्या निवडीवरून महायुतीमध्ये पडद्यामागे मोठ्या हालचाली सुरू झाल्या आहेत. विशेष म्हणजे, मुख्यमंत्री एकनाथ शिंदे यांच्या शिवसेनेच्या वाट्याला येणाऱ्या एका जागेवर आता राष्ट्रवादी काँग्रेसने (अजित पवार गट) दावा ठोकल्याची माहिती समोर येत आहे. नवाब मलिक यांचे बंधू कप्तान मलिक यांना स्वीकृत नगरसेवक करण्यासाठी राष्ट्रवादीने जोरदार मोर्चेबांधणी सुरू केली असून, यामुळे महायुतीत नवा पेच निर्माण होण्याची शक्यता आहे.
advertisement
नेमकं प्रकरण काय?
मुंबई महापालिकेत सध्या प्रशासक राज असले तरी, स्वीकृत नगरसेवकांच्या जागा भरण्याच्या हालचालींना वेग आला आहे. महायुतीमधील जागावाटपाच्या सूत्रानुसार, शिंदे सेनेच्या वाट्याला दोन जागा येण्याची शक्यता वर्तवली जात आहे. मात्र, राष्ट्रवादी काँग्रेसने (अजित पवार गट) 'सहयोगी गट' म्हणून आपली भूमिका मांडत, यातील एक जागा आम्हाला मिळावी, अशी मागणी लावून धरली आहे.
नवाब मलिकांच्या बंधूंची एन्ट्री
राष्ट्रवादी काँग्रेसकडून या पदासाठी माजी नगरसेवक कप्तान मलिक यांचे नाव आघाडीवर आहे. नवाब मलिक यांचे बंधू असलेल्या कप्तान मलिक यांच्यासाठी पक्षाने शिंदे सेनेकडे आग्रही मागणी केली आहे. "आम्ही महायुतीत सहयोगी म्हणून सोबत आहोत, त्यामुळे आमच्या प्रतिनिधीला संधी मिळणे न्यायकारक ठरेल," अशी भूमिका राष्ट्रवादीने घेतल्याचे समजते.