नवी दिल्ली: जगभरातील हजारो युजर्ससाठी X , फेसबुक यासह अनेक प्रमुख सोशल मीडिया वेबसाइट्स आणि स्पॉटिफाय (Spotify) मध्ये मोठा तांत्रिक बिघाड (डाउनटाइम) झाला होता. अनेक युजर्सनी ॲप्लिकेशन्स वापरण्यात समस्या येत असल्याची तक्रार केली आहे.
advertisement
आऊटेजची प्रमुख कारणे
या बिघाडाचे मुख्य कारण क्लाउडफ्लेर (CloudFlare) या सेवा प्रदात्याच्या सर्व्हरमध्ये आलेला आउटेज (Outage) आहे. क्लाउडफ्लेर वेबसाइट्सना सायबर हल्ल्यांपासून संरक्षण देण्यासाठी आणि कंटेंट जलद लोड करण्यासाठी मदत करते, तसेच अनेक सोशल मीडिया साइट्स आणि ॲप्सचे सर्व्हर याच प्लॅटफॉर्मवर होस्ट केलेले आहेत. क्लाउडफ्लेर डाउन झाल्यामुळे इंटरनेटच्या एका मोठ्या भागावर परिणाम झाला, कारण ही वेबसाइट्स सुरक्षित आणि वेगवान ठेवण्यासाठीची एक प्रमुख सेवा आहे.
युजर्सना आलेल्या समस्या
X युझर्सनी सांगितले की त्यांना ॲप व्यवस्थित ॲक्सेस करता येत नव्हते किंवा कंटेंट पाहता येत नव्हते. इंटरनेट वापरताना काही वेबसाइट्स ॲक्सेस करण्याचा प्रयत्न केल्यास युजर्सना एरर कोड 500 (Error Code 500) दिसत होता. हा कोड थेट सर्व्हर किंवा वेबसाइटच्या कोडमधील समस्या दर्शवतो.
क्लाउडफ्लेर सेवा वापरणाऱ्या वेबसाइट्स ॲक्सेस करण्याचा प्रयत्न करणाऱ्या युजर्सना "क्लाउडफ्लेयरच्या नेटवर्कवर अंतर्गत सर्व्हर त्रुटी आहे, कृपया काही मिनिटांनंतर पुन्हा प्रयत्न करा," असा संदेश दिसत होता.
कोणत्या वेबसाइट बंद झाल्या?
एक्स, OpenAI’s ChatGPT, Gemini, Perplexity,Canva, Facebook, Spotify आणि अन्य
CloudFlare ची प्रतिक्रिया
'द इंडिपेंडेंट'नुसार, क्लाउडफ्लेरला या तांत्रिक बिघाडाची माहिती मिळाली आणि त्यांनी याची त्वरित तपासणी सुरू केली. कंपनीने आपल्या वेबसाइटवर या समस्येची दखल घेत म्हटले, "क्लाउडफ्लेअरला या समस्येची माहिती आहे आणि ती याची तपासणी करत आहे, ज्याचा संभाव्यतः अनेक ग्राहकांवर परिणाम होऊ शकतो." अधिक माहिती उपलब्ध झाल्यावर पुढील अपडेट्स दिले जातील, असेही त्यांनी स्पष्ट केले.
हा बिघाड भारतीय वेळेनुसार सायंकाळी 5 वाजता सुरू झाला आणि क्लाउडफ्लेरने सध्या या समस्येवर काम केल्यानंतर हळूहळू युजर्सना सेवा पूर्ववत मिळू लागल्या आहेत.