Chandra Grahan 2026: पूर्वा फाल्गुनी नक्षत्रावर पहिलं चंद्रग्रहण! या 5 राशींवर पडणार सर्वात अशुभ प्रभाव

वर्षातलं पहिलं आणि सर्वात लांबं चंद्रग्रहण - 2026 सालातील पहिलं चंद्रग्रहण 3 मार्चला लागणार असून याच दिवशी होळीचा सण आहे. पंचांगानुसार, दुपारपासून संध्याकाळपर्यंत ग्रहण असेल आणि रात्री होळी पेटवली जाईल. त्यानंतर 4 मार्चला धुलिवंदन साजरे होईल. हे या वर्षातलं सर्वात जास्त काळ चालणारं चंद्रग्रहण असेल.

चंद्रग्रहणाची वेळ आणि सूतक काळ - भारतीय वेळेनुसार 3 मार्चला दुपारी 3 वाजून 20 मिनिटांनी ग्रहण सुरू होईल आणि संध्याकाळी 6 वाजून 47 मिनिटांनी संपेल. ग्रहणाचा एकूण काळ 3 तास 27 मिनिटे असेल. चंद्रग्रहणाचा सूतक काळ 9 तास आधी सुरू होतो, त्यामुळे 3 मार्चला सकाळी 6 वाजून 20 मिनिटांपासून सूतक काळ सुरू होईल. या काळात धार्मिक कार्ये आणि पूजा-अर्चा केली जात नाही.

कोणत्या नक्षत्रात आणि राशीत ग्रहण लागणार?हे चंद्रग्रहण पूर्वाफाल्गुनी नक्षत्रात आणि सिंह राशीत लागणार आहे. पूर्वाफाल्गुनी नक्षत्र सुख-सोयी आणि कलेशी संबंधित मानले जाते. सिंह रास नेतृत्व आणि आत्मविश्वासाचे प्रतीक आहे. सिंह राशीत ग्रहण असल्यामुळे या राशीच्या लोकांसाठी आरोग्य, आर्थिक स्थिती आणि कौटुंबिक बाबतीत काही चढ-उतार येऊ शकतात.

ग्रहणाचा प्रभाव या राशींवर जास्त -मेष रास: खर्च वाढण्याची आणि विनाकारण धावपळ होण्याची शक्यता आहे. आलेला पैसा टिकवण्यात अडचणी येऊ शकतात.कर्क रास: आर्थिक बाबतीत सतर्क राहा. व्यवसायात नुकसान आणि नको असलेले प्रवास घडण्याची शक्यता आहे.

सिंह रास: तुमच्याच राशीत ग्रहण असल्याने सर्वाधिक परिणाम होईल. आरोग्य, आर्थिक दबाव आणि कौटुंबिक वादाचे प्रसंग येऊ शकतात.

वृश्चिक रास: मानसिक ताण वाढू शकतो. करिअरमध्ये नवीन आव्हाने समोर येतील, तसेच कर्ज घेणे टाळावे.मीन रास: कामात अडचणी येऊ शकतात आणि कौटुंबिक ताण वाढण्याची शक्यता आहे. यश मिळवण्यासाठी अधिक मेहनत घ्यावी लागेल.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)