सावधान! पुढचे 4 दिवस 'या' 3 राशींच्या लोकांवर संकटाचं सावट, आयुष्यात घडणार काही तरी मोठं

ज्योतिषशास्त्रामध्ये केतूला एक 'मायावी' आणि 'छाया ग्रह' मानले जाते. केतू हा असा ग्रह आहे जो कोणत्याही पूर्वसूचनेशिवाय जीवनात अचानक मोठे बदल घडवून आणतो.

उद्या रविवार, 25 जानेवारी 2026 रोजी केतू आपले नक्षत्र पद बदलणार आहे. केतू पूर्वाफाल्गुनी नक्षत्राच्या दुसऱ्या चरणातून बाहेर पडून पहिल्या चरणात प्रवेश करेल आणि 29 मार्च 2026 पर्यंत याच स्थितीत राहील.

पूर्वाफाल्गुनी नक्षत्राचा स्वामी 'शुक्र' आहे. केतूचे हे नक्षत्र परिवर्तन काही राशींसाठी आव्हानात्मक ठरू शकते. विशेषतः मिथुन, तूळ आणि मीन राशीच्या जातकांना या काळात मानसिक आणि आर्थिक संकटांचा सामना करावा लागू शकतो.

मिथुन: मिथुन राशीच्या लोकांसाठी केतूचे हे नक्षत्र परिवर्तन शुभ मानले जात नाही. नोकरी आणि व्यवसायात अपेक्षित यश मिळवण्यासाठी तुम्हाला सामान्यपेक्षा जास्त मेहनत करावी लागेल. कार्यक्षेत्रात तुमच्याविरुद्ध कट-कारस्थान रचले जाण्याची शक्यता आहे. मानसिक तणावामुळे तुम्ही चुकीचे निर्णय घेऊ शकता, ज्याचा परिणाम तुमच्या भविष्यावर होईल.

तूळ: तूळ राशीच्या जातकांसाठी हा काळ आर्थिकदृष्ट्या कठीण असू शकतो. गुंतवणुकीतून मोठे नुकसान होण्याची शक्यता आहे, त्यामुळे शेअर बाजार किंवा सट्टेबाजीपासून दूर राहावे. कौटुंबिक जीवनात किरकोळ कारणावरून वाद होऊन नात्यात दुरावा येऊ शकतो. बोलण्यावर ताबा ठेवणे अत्यंत गरजेचे आहे.

मीन: मीन राशीच्या लोकांसाठी केतूचे हे संक्रमण आरोग्याच्या दृष्टीने कष्टदायक ठरू शकते. पोटाचे विकार किंवा जुन्या आजारांमुळे तुम्ही त्रस्त राहाल. व्यवसायात मंदी जाणवेल आणि हाती आलेले मोठे प्रकल्प अचानक लांबणीवर पडू शकतात. धनहानी टाळण्यासाठी कोणालाही पैसे उसने देताना काळजी घ्या.

25 जानेवारीपासून होणारे केतूचे हे नक्षत्र परिवर्तन सावधगिरीचा इशारा देणारे आहे. संयम आणि विचारीपणाने वागल्यास तुम्ही या संकटावर मात करू शकता. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)