दुःख विसरा! 'या' एका पॉवरफुल स्तोत्राचे पठण करेल साडेसातीपासून सुटका, सदैव राहील शनी देवाची कृपा

ज्योतिषशास्त्रात शनीला 'न्यायाधीश' मानले जाते. शनीची साडेसाती किंवा ढैय्या सुरू झाली की, व्यक्तीच्या आयुष्यात अनेक चढ-उतार, मानसिक तणाव आणि आर्थिक अडचणी येतात. मात्र, शनी हा केवळ दंड देणारा देव नसून तो कर्माचे फळ देणारा आहे. जर तुम्ही साडेसातीमुळे त्रस्त असाल, तर 'हा' सर्वात प्रभावी आणि चमत्कारी स्तोत्र मानले जाते.

पौराणिक कथेनुसार, जेव्हा राजा दशरथाच्या राज्यावर शनीचे संकट येणार होते, तेव्हा त्यांनी या स्तोत्राद्वारे शनी देवाची स्तुती केली होती. प्रसन्न होऊन शनीने राजाला वरदान दिले होते की, जो कोणी या स्तोत्राचा पाठ करेल, त्याला साडेसातीचा त्रास होणार नाही.

दशरथकृत शनी स्तोत्राचा पाठ: ज्यांच्यावर साडेसाती सुरू आहे, त्यांनी दर शनिवारी किंवा शक्य असल्यास दररोज या स्तोत्राचा पाठ करावा. यामुळे शनीचा नकारात्मक प्रभाव कमी होतो आणि कार्यातील अडथळे दूर होतात. या स्तोत्राचा प्रारंभ "नमः कृष्णाय नीलाय शितिकण्ठ निभाय च" या ओळीने होतो.

शनी वज्रपंजर कवच: ब्रह्मांड पुराणात सांगितलेले हे कवच व्यक्तीच्या चारही बाजूंनी संरक्षणाचे कवच निर्माण करते. मानसिक शांती आणि आरोग्यासाठी हे स्तोत्र अत्यंत फलदायी मानले जाते.

महामृत्युंजय मंत्राचा जप: शनी हा भगवान शंकराचा निस्सीम भक्त आहे. जर साडेसातीत आरोग्याच्या तक्रारी जास्त असतील, तर "ॐ त्र्यम्बकं यजामहे..." या महामृत्युंजय मंत्राचा 108 वेळा जप करणे शनीला शांत करण्याचा उत्तम मार्ग आहे.

शनीच्या 10 नावांचे स्मरण: स्तोत्राचा पाठ करणे शक्य नसेल, तर शनीची 10 नावे जसे की कोणस्थ, पिंगल, बभ्रु, कृष्ण, रौद्रान्तक, यम, सौरि, शनैश्चर, मंद, पिप्पलाद घेतल्यानेही शनीची पीडा कमी होते.

सेवा आणि दान: शनीला केवळ मंत्रांनी नाही तर कर्मानेही प्रसन्न केले जाते. गरजू लोकांना, अपंगांना अन्नदान करणे किंवा काळे तीळ, तेल आणि काळे कपडे दान केल्याने शनीची विशेष कृपा प्राप्त होते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)