Skin Problem : तुमच्या चेहऱ्यावरील वांग फक्त त्वचेची समस्या नाही; डॉक्टर म्हणाले, 'हा' अवयव खराब होण्याची सुरुवात

सामान्यपणे शरीराच्या वर कोणतीही समस्या असली की ती त्वचेची समस्या समजली जाते. त्यामुळे चेहऱ्यावर दिसणारे हे वांगही त्वचेच्या समस्येतच गणले जातात.  पण चेहऱ्यावर दिसणारे हे वांग म्हणजे फक्त त्वचेची समस्या नाही, तर हे वांग शरीराच्या आतील एका अवयवाशी संबंधित आहेत, याबाबत डॉक्टरांनी माहिती दिली आहे.

डॉ. सुषमा पाटील यांनी सांगितलं की, अनेकांच्या चेहऱ्यावर असे वांग दिसतात, ते वाढत राहतात, वयाच्या चाळीशीनंतर तीव्रतेने दिसून येतात आणि अधिक त्रास द्यायला लागतात.

वांग जावेत यासाठी काही उपचार आहेत.  पंचकर्मात विरेचन नावाची प्रक्रिया आहे ती करून घ्यावी. तसंच यावर एक घरगुती औषध आहे. वडाची साल, पिंपळाची साल आणि उंबराची साल तिन्ही साली उगाळून त्याचा गंध काढून तो वांग आलेल्या भागावर लावायचा. जोपर्यंत आपल्याला हवा तसा परिणाम मिळत नाही तोपर्यंत हा गंध वांगावर लावा.

पण वांगावर नुसता वरवर उपाय करून चालणार नाही. शरीराच्या आतूनही शुद्धी व्हायला हवी. कारण हे वांग म्हणजे लिव्हरचं कार्य नीट होत नाही, याची सुरुवात आहे. त्यामुळे यकृताला सुधारणारी औषधं घ्यावीत, असा सल्ला डॉ. पाटील यांनी दिली आहे.

सूचना : हा लेख सोशल मीडियावर डॉक्टरांनी व्हिडीओतून दिलेल्या माहितीवर आधारित आहे. अवलंब करण्यापूर्वी स्वत: तज्ज्ञांचा सल्ला जरूर घ्यावा.