'बिग बॉस'ने केली 'चुगली', टोळी फुटली! 'चुगलीचं दार' उघडल्यावर टोळीतच तुफान राडा

बिग बॉस मराठी 6 च्या घरात आपण सदस्यांना गॉसिपिंग करताना पाहतो. आजवर टोळी विरुद्ध ग्रुप असंच गॉसिपिंग आपण पाहत आलो आहोत. पण हे सदस्य आपल्या टीममधीलही सदस्यांबाबत गॉसिपिंग करतात. हेच बिग बॉसने उघड केलं आहे.

बिग बॉसने पहिल्यांदाच चुगलीचं दार उघडलं आहे आणि टोळीतील सदस्यांचा खरा चेहरा समोर आणला आहे.

चुगलीचं दार उघडणार, टोळीवर गुगली पडणार असा हा भाऊचा धक्क्याचा नवीन प्रोमो समोर आला आहे. यात टोळीतील सदस्य एकमेकांविरोधातच काय काय बोलतात हे दाखवलं आहे. सदस्याला आत पाठवलं जातं आणि त्याच्याविरोधात कोण कोण बोलत आहे, ते दाखवलं जातं. प्रोमोत अनुश्री, रुचिता, विशालचं खरं रूप दिसतं.

अनुश्री तन्वीशी बोलताना दिसते. "मला विशालच्या विरोधात जायचं आहे". यावर विशाल "आपलेच दात आणि आपलेच ओठ असं वाटतंय" अशी प्रतिक्रिया देतो. यानंतर विशाल आणि रुचिता रोशनबद्दलचं बोलणं दाखवण्यात आलं आहे. रुचिता बोलते, "रोशन दादाला नाही कळत गेम तेवढा" यावर विशाल बोलतो, मला त्याचा भार घेऊन चालायचं नाहीये पुढे" हे ऐकल्यानंतर रोशनला खूप वाईट वाटतं. तो बोलतो, "कुठेतरी मन दुखलं आता"

शेवटी टोळी एकत्र बसलेली दिसते आणि तेव्हा रोशन तिथून उठतो, मी टिम सोडून राहिलो आजपासून, आतापासून. असं तो म्हणतो चुगलीचं दार उघडणार...

टोळीतील सदस्यांनी आजवर जे पाहिलं नव्हतं ते बिग बॉसने त्यांना दाखवलं आहे. प्रेक्षकांनी प्रोमोवर कमेंट करताना हा जबरदस्त ट्विस्ट असल्याचं म्हटलं आहे. टोळीमध्ये फूट पडणार!, असं कॅप्शन या प्रोमोला देण्यात आलं आहे. आता खरंच टोळी फुटणार का? याकडे प्रेक्षकांच्या नजरा लागल्या आहेत.