कोरफड त्वचेसाठी वरदान की नुकसान? 90 टक्के लोक एलोवेरा जेलचा करतात चुकीचा वापर

साधारणपणे एलोवेरा (कोरफड) चेहऱ्यासाठी खूप फायदेशीर मानलं जातं. यामुळे त्वचा तजेलदार दिसते, ओलावा टिकून राहतो आणि त्वचेला थंडावा मिळतो. पण प्रत्येक गोष्टीचा अतिरेक जसा हानीकारक असतो तसंच कोरफड देखील जास्त प्रमाणात वापरल्यास त्वचेसाठी नुकसानकारक ठरू शकतो.

दररोज किंवा गरज नसतानाही चेहऱ्यावर कोरफड जेल लावल्यास त्वचेत जळजळ, खाज सुटणे, लालसरपणा आणि पिंपल्ससारख्या समस्या उद्भवू शकतात. त्यामुळे ते मर्यादित प्रमाणातच वापरणं योग्य आहे

कोरफडच्या पानांतून निघणारा पिवळसर द्रव (एलो लेटेक्स) त्वचेसाठी धोकादायक ठरू शकतो. हा भाग थेट त्वचेवर लावल्यास एलर्जी, लालसर पुरळ आणि खाज येऊ शकते. त्यामुळे चेहऱ्यावर नेहमी फक्त हिरव्या जेलचाच वापर करावा.

विशेषतः ज्यांची त्वचा तेलकट (ऑयली) असते, त्यांनी कोरफड खूप जास्त प्रमाणात लावणं टाळावं. यामुळे रोमछिद्र बंद होऊन पिंपल्स वाढू शकतात. अशा त्वचेसाठी खूपच कमी प्रमाणात कोरफड वापरणं योग्य आहे.

जर चेहऱ्यावर आधीच पिंपल्स किंवा मुरुम आहेत, तर त्यावर कोरफड लावण्यापूर्वी पॅच टेस्ट करणं आवश्यक आहे. थेट पिंपल्सवर लावल्यास पुरळ, रॅशेस किंवा जळजळ वाढू शकते.

ज्यांनी नुकतीच कोणतीही कॉस्मेटिक सर्जरी केली आहे, त्यांनी एलोवेरा जेल लावणं टाळावं. यामुळे जखमेवर प्रतिकूल परिणाम होऊ शकतो आणि त्वचा बरी होण्याऐवजी आणखी खराब होऊ शकते.

तसंच, कोरफडच्या पानातून थेट काढलेलं जेल लगेच चेहऱ्यावर लावणंही धोकादायक ठरू शकतं. ते काढल्यानंतर काही वेळ तसेच ठेवून पिवळा भाग वेगळा झाल्यावरच वापरणं सुरक्षित आहे.

प्रत्येकाची त्वचा वेगळी असते, त्यामुळे कोरफड वापरण्यापूर्वी नेहमीच पॅच टेस्ट करावी. हाताच्या एखाद्या लहान भागावर लावून पाहा. जर जळजळ किंवा खाज जाणवली नाही, तरच ते चेहऱ्यावर वापरावं.