किचनमधील कामाचा कंटाळा आलाय? फक्त 'या' 5 सोप्या किचन टिप्स फॉलो करा, 'तासांचे काम होईल मिनिटांत'!

Kitchen Hacks : स्वयंपाकघरात काम करणे अनेकदा थकवणारे आणि वेळखाऊ वाटू शकते, ज्यामुळे अनेकजण टेन्शनमध्ये येतात. पण, आता काळजी करण्याची गरज नाही. काही सोप्या आणि महत्त्वाच्या टिप्स वापरून तुम्ही ही कामे सहज आणि लवकर पूर्ण करू शकता.

कांदा कापताना डोळ्यांतून पाणी येणार नाही : कांदा कापताना डोळ्यांची जळजळ होऊ नये यासाठी तो काही वेळ फ्रीजमध्ये ठेवा. थंड कांदा कापल्याने डोळ्यांतून पाणी येत नाही आणि तुम्ही तो आरामात कापू शकता.

शिळी ब्रेड पुन्हा ताजी करा : घरातील शिळी आणि कडक झालेली ब्रेड फेकून देण्याऐवजी थोड्या पाण्याने ओली करून टोस्टर किंवा तव्यावर शेकून घ्या. ती पुन्हा ताजी आणि मऊ होईल. याशिवाय, शिळ्या ब्रेडपासून ब्रेडक्रंब्सही बनवता येतात.

दूध उतू जाण्यापासून असे वाचवा : दूध उकळवताना ते वारंवार बाहेर सांडत असेल, तर भांड्यावर लाकडी चमचा ठेवा. चमच्यामुळे दूध वर येऊन सांडत नाही आणि तुम्हाला वारंवार लक्ष ठेवण्याची गरज पडत नाही.

लिंबाचा रस काढणे होईल सोपे : जेवण बनवताना लिंबाचा रस जास्त प्रमाणात आणि सहज काढण्यासाठी लिंबू थोडे गरम पाण्यात ठेवा किंवा हाताने दाबून गोल फिरवा.

अद्रकचे साल काढण्यासाठी ही युक्ती वापरा : अद्रकचे साल काढण्यासाठी चाकूऐवजी चमचा वापरा. यामुळे अद्रकचे साल सहज निघेल आणि अद्रक वाया जाणार नाही.

भाजीपाला ठेवा ताजेतवाने : फ्रिजमध्ये ठेवलेल्या हिरव्या भाज्या जास्त काळ ताज्या ठेवण्यासाठी त्यांना पेपर टॉवेलमध्ये गुंडाळून ठेवा. यामुळे त्यांची आर्द्रता टिकून राहते. कोथिंबीर पाण्याच्या भांड्यात ठेवून झाकून ठेवल्यास ती अनेक दिवस हिरवीगार राहते.

Home Science Specialist अरुण कुमार सिंह सांगतात की, "स्वयंपाक करताना हे सोपे हॅक्स वापरून तुम्ही तासांचे काम मिनिटांत पूर्ण करू शकता आणि कामाचा आनंद घेऊ शकता."