Police Bharti: मैदानी परीक्षेपूर्वी इंजेक्शन, CCTV मध्ये बारामतीचा 'भावी पोलीस' दिसला अन् मग... भरतीमधला धक्कादायक प्रकार

दीपाली मिश्रा, प्रतिनिधी, मिरा भाईंदर : मिरा-भाईंदर येथे सुरू असलेल्या पोलीस भरती प्रक्रियेदरम्यान एक धक्कादायक प्रकार उघडकीस आला आहे.

मैदानी चाचणीपूर्वी उत्तेजक औषधाचे इंजेक्शन घेताना एका उमेदवाराला पोलिसांनी रंगेहात पकडले.

मिळालेल्या माहितीनुसार, बारामती येथील रहिवासी साहिल अवघडे याने शारीरिक क्षमता वाढवण्यासाठी इंजेक्शनचा आधार घेतला.

हा प्रकार सीसीटीव्ही कॅमेऱ्यात कैद झाला असून त्यानंतर पोलिसांनी तात्काळ कारवाई करत संबंधित उमेदवाराला ताब्यात घेतले.

या प्रकरणी गुन्हा दाखल करण्यात आला असून पुढील तपास सुरू आहे. या घटनेमुळे पोलीस भरती प्रक्रियेतील पारदर्शकतेबाबत तसेच काही उमेदवारांच्या वाढत्या हलगर्जीपणाबाबत प्रश्नचिन्ह उपस्थित झाले आहे.