बंपर दूध उत्पादनासाठी गायीच्या 'या' 5 प्रजाती सर्वोत्तम! रोज मिळू शकतं 40 लिटर दूध

साहिवाल ही गायीची अत्यंत खास प्रजाती मानली जाते. या प्रजातीच्या गायी भरपूर दूध देतात. त्यामुळे या गायींच्या पालनातून शेतकरी बांधव चांगलं उत्पन्न मिळवू शकतात. या गायीपासून दररोज 10 ते 20 लिटर दूध मिळू शकतं. व्यवस्थित देखभाल केल्यास हे प्रमाण 30 ते 40 लिटरवरही जाऊ शकतं.

गीर प्रजातीच्या गायी आकाराने मोठ्या असतात. त्या दररोज 12 ते 20 लिटर दूध देतात. त्यांचं वजन 400 ते 500 किलोग्रॅम एवढं असतं. बाजारात या गायीची 50 हजार रुपयांपासून 1 लाख रुपयांपर्यंत किंमत आहे.

लाल कंधारी गाय लहान शेतकऱ्यांसाठी फायदेशीर ठरते. या गायीच्या देखभालीसाठी जास्त खर्च करावा लागत नाही, कारण तिला जास्त चाऱ्याची गरज भासत नाही. पशूरोग अधिकारी शिवकुमार वर्मा सांगतात की, ही गाय दिवसाला 4 ते 5 लिटर दूध देते.

थारपारकर ही गायीची एक खास प्रजाती मानली जाते. या गायीपासून सर्वोत्तम दूध मिळतं असं म्हणतात. ही गाय दररोज 12 ते 16 लिटर दूध देते. या गायीचं वजन असतं साधारण 250 ते 300 किलोग्रॅम आणि किंमत असते साधारण 50 ते 60 हजार रुपये.

राठी प्रजातीच्या गायी कोणत्याही वातावरणात आणि कोणत्याही भागात <a href="https://news18marathi.com/money/agriculture/kadaknath-chicken-egg-is-also-cheap-than-this-hen-1-egg-price-is-100-rupees-know-in-detail-mhkd-1196643.html">निरोगी</a> राहतात. शिवकुमार वर्मा सांगतात की, ही गाय कोणत्याही वातावरणाशी जुळवून घेते, हेच अत्यंत <a href="https://news18marathi.com/photogallery/lifestyle/health/these-special-chutneys-will-make-your-meal-delicious-l18w-mhij-1196040.html">फायदेशीर</a> ठरतं. ही गाय दररोज 7 ते 12 लिटर दूध देते. व्यवस्थित <a href="https://news18marathi.com/lifestyle/food/can-tomatoes-help-reduce-weight-mhij-1195902.html">देखभाल</a> हे प्रमाण 18 ते 20 लिटरवरही जाऊ शकतं.