Gold-Silver prices Today: सोन्या-चांदीच्या किंमतीत घसरण! चीन-अमेरिकेतून आलेल्या वृत्ताचा परिणाम

नवी दिल्ली : आंतरराष्ट्रीय बाजारात सोनं आणि चांदीच्या किंमतीत चढ-उतार सुरु आहेत. सोमवारी 16 फेब्रुवारी 2026 रोजी गोल्ड आणि सिल्वहच्या किंमती खाली आल्या आहेत.आज आशियाई बाजारात स्पॉट गोल्डचा भाव सुमारे 0.27% घसरून 5,033 डॉलर प्रति औंस झाला. तर चांदीचा भाव 2.08% पेक्षा जास्त घसरून 76.34 डॉलर प्रति औंस झाला.

सोमवारी, 16 फेब्रुवारी रोजी देशांतर्गत वायदा बाजारात सोन्या-चांदीच्या किमती घसरल्या. 2 एप्रिल 2026 रोजी एक्सपायरी डेट असलेले सोन्याचे वायदा सोमवारी मल्टी कमोडिटी एक्सचेंज (MCX) वर प्रति 10 ग्रॅम 1,54,999 रुपयांवर उघडले. मागील व्यवहाराच्या दिवशी सोने 1,55,895 रुपयांवर बंद झाले होते.

5 मार्च 2026 रोजी एक्सपायरी असलेली चांदी एमसीएक्सवर 3.48% म्हणजेच 8,492 रुपये प्रति किलोने घसरून 2,35,868 रुपये झाली.

मागील सत्रातील तेजीनंतर नफा-वसुली आणि स्थिर डॉलरमुळे किमतींवर दबाव आलेला आहे. बाजार विश्लेषक मानतात की किमतीतील ही घसरण एक ‘हेल्दी करेक्शन’ दर्शवते जी बाजाराला नवीन तेजीसाठी तयार करू शकते.

अमेरिकन सीपीआय आकड्यांचा परिणाम : अमेरिकेच्या कंज्यूमर प्राइज इंडक्समध्ये जानेवारीमध्ये 0.2% ची किरकोळ वाढ नोंदवण्यात आली. या आकड्यांनी बाजाराला थोडा दिलासा दिला आहे. कारण यामुळे अत्याधिक महागाईचा धोका कमी झाला आहे.

महागाईच्या या नरमाईच्या आकड्यांनी गुंतवणूकदारांमध्ये आशा निर्माण झाली आहे की, अमेरकन फेडरल रिझर्व्ह येणाऱ्या काळात व्याजदरांमध्ये कपातीचा निर्णय घेऊ शकतात. जेव्हा जेव्हा व्याजदर कमी असतात तेव्हा सोने आणि चांदीसारख्या नॉन-यिल्डिंग मालमत्तेकडे आकर्षण वाढते.

चीनचा बाजार : आशियाई मागणीच्या संदर्भात चीन एक महत्त्वपूर्ण भूमिका निभावतो. सध्या चीनमध्ये 'लूनर न्यू ईयर' च्या सुट्ट्यांमुळे बाजार बंद आहे. ज्यामुळे भौतिक मागणीमध्ये थोडी सुस्ती पाहायला मिळत आहे. सध्याच्या महिन्यात चीनी गुंतवणुकदारांनी सोन्यामध्ये मोठी गुंतवणूक केली आहे. मागणीमध्ये जोरदार तेजी पाहायला मिळतेय. हे पाहता चीनच्या रिटेल हब शेन्जेनमध्ये अधिकाऱ्यांनी "बेकायदेशीर सोन्याच्या व्यापाराविरुद्ध" इशारा देखील दिला.