Currency : सिंगापूरला फिरायला जायचंय? भारताचे 100 रुपये खिशात असतील तर तिथे किती मिळतील? जाण्यापूर्वी 'हे' आर्थिक गणित समजून घ्या

सुट्ट्या लागल्या किंवा एखादा मोठा वीकेंड आला की आपल्यापैकी अनेकांना परदेशवारीचे वेध लागतात. तर काहींचे परदेशात फिरायचे स्वप्न असते. अशावेळी लोक हिशोब करायला लागतात की जर परदेशात जायचं असेल तर असे मला किती पैसे लागतील? त्या एखाद्या देशाच्या करंसीनुसार आपल्याला किती पैसे खर्च करावे लागतील, किंवा भारताचा रुपया कुठल्या देशात मोठा आहे किंवा कुठल्या देशात लहान आहे?

परदेशात फिरायला जायचं म्हटलं की भारतीयांच्या पसंतीच्या यादीत सर्वात वरचं नाव असतं ते म्हणजे 'सिंगापूर'. सुंदर बॉटनिकल गार्डन्स, भव्य शॉपिंग मॉल्स, रोषणाईने न्हालेले रस्ते आणि तिथलं शिस्तबद्ध जीवन प्रत्येकालाच भुरळ घालतं. पण या स्वप्नवत सहलीचे नियोजन करताना सर्वात मोठा प्रश्न पडतो तो म्हणजे खर्चाच.

सहलीचं बजेट ठरवताना आपण सर्वात आधी आपल्या रुपयाचं मूल्य त्या देशाच्या चलनात किती आहे, हे तपासतो. जर तुम्हीही 'लायन सिटी' म्हणजेच सिंगापूरला जाण्याचा विचार करत असाल, तर तुम्हाला तिथल्या चलनाचा आणि रुपयाचा हिशोब माहित असणं गरजेचं आहे.

सिंगापूरचे चलन आणि भारतीय रुपयासिंगापूरचे अधिकृत चलन 'सिंगापूर डॉलर' (SGD) हे आहे. हे चलन दर्शवण्यासाठी $ किंवा S$ या चिन्हांचा वापर केला जातो. भारतीय रुपयाच्या (INR) तुलनेत सिंगापूर डॉलरचे मूल्य बरेच जास्त आहे. हा विनिमय दर (Exchange Rate) आंतरराष्ट्रीय बाजारपेठ, कच्च्या तेलाचे दर आणि जागतिक व्यापार यानुसार दररोज बदलत असतो.

100 भारतीय रुपये म्हणजे किती सिंगापूर डॉलर?अनेकांच्या मनात प्रश्न असतो की, जर आपल्याकडे 100 रुपये असतील, तर त्याचे सिंगापूरमध्ये किती पैसे होतील? तर ताज्या आकडेवारीनुसार (20 जानेवारीच्या सुमारास) 1 भारतीय रुपयाची किंमत सुमारे 0.014 सिंगापूर डॉलर इतकी आहे.

याचाच अर्थ, जर तुम्ही भारतातले 100 रुपये घेऊन सिंगापूरला गेलात, तर तिथे तुम्हाला त्याचे साधारण 1.41 सिंगापूर डॉलर मिळतील.यावरून हे स्पष्ट होतं की, सिंगापूरमध्ये फिरताना आपल्याला आपल्या खर्चाचे नियोजन अतिशय विचारपूर्वक करावे लागेल, कारण तिथली चलनशक्ती आपल्यापेक्षा अधिक आहे.

सिंगापूरमध्ये व्यवहार करताना 'या' गोष्टी लक्षात ठेवा1. दराची खात्री करा: परदेशात जाण्यापूर्वी गुगल किंवा अधिकृत करन्सी कन्व्हर्टर ॲपवर चालू दर नक्की तपासा. विमानतळावर चलन बदलण्याऐवजी शहरातल्या नामांकित मनी एक्सचेंज सेंटरमधून पैसे बदलणे अधिक फायदेशीर ठरू शकते.

2. कार्डचा वापर (Digital Payment): सिंगापूरमध्ये जवळपास सर्वच ठिकाणी क्रेडिट आणि डेबिट कार्ड स्वीकारले जातात. अगदी लहानात लहान कॅफेपासून ते सार्वजनिक बस किंवा ट्रेनपर्यंत तुम्ही कार्ड वापरू शकता. तिथे PayNow आणि GrabPay सारखे डिजिटल पर्यायही अत्यंत लोकप्रिय आहेत.

3. एटीएम आणि रोख रक्कम: संपूर्ण शहरात एटीएमची सोय उपलब्ध आहे. मात्र, प्रत्येक वेळी पैसे काढताना बँक 'इंटरनॅशनल ट्रान्झॅक्शन फी' आकारू शकते. हा अतिरिक्त खर्च टाळण्यासाठी भारतातून निघतानाच काही प्रमाणात 'सिंगापूर डॉलर्स' सोबत ठेवणे केव्हाही चांगले.

तुम्ही 1.41 सिंगापूर डॉलरमध्ये काय खरेदी करू शकता?सिंगापूरमधील 'आयकीया' (IKEA) मध्ये तुम्ही फक्त 0.50 सेंट्समध्ये एक आईस्क्रीम कोन घेऊ शकता. म्हणजेच 1.41 डॉलरमध्ये तुम्ही दोन आईस्क्रीम आरामात खाऊ शकता.तिथल्या स्थानिक 'हॉकर सेंटर्स'मध्ये (मोठी फूड कोर्ट्स) तुम्हाला एका कप साधी कॉफी मिळेल.'FairPrice' सारख्या सुपरमार्केटमध्ये पिण्याच्या पाण्याची बाटली 0.50 ते 0.90 सेंट्समध्ये मिळते.सिंगापूरमध्ये सार्वजनिक वाहतूक खूप स्वस्त आहे. 1.41 डॉलरमध्ये तुम्ही बस किंवा मेट्रोने (MRT) साधारण 5 ते 7 किलोमीटरचा एक टप्पा आरामात गाठू शकता.रस्त्यावर किंवा हॉकर सेंटर्समध्ये टिश्यू पेपरचे ३ पाकीट साधारण १ डॉलरला मिळतात.

थोडक्यात सांगायचे तर 100 रुपयांत तुम्ही सिंगापूरमध्ये पोटभर जेवण करू शकत नाही (कारण तिथे एका साध्या जेवणाची किंमत किमान 4 ते 6 डॉलर असते), पण तुम्ही एक कप कॉफी, आईस्क्रीम किंवा बसचा प्रवास नक्कीच करू शकता.