FD वर ही बँक देतेय 9.10 टक्के जबरदस्त व्याज, एवढ्या दिवसांसाठी गुंतवावे लागतील पैसे!

रिझर्व्ह बँक ऑफ इंडियाने पुन्हा एकदा रेपो रेटमध्ये कोणताही बदल केलेला नाही. मात्र सूर्योदय स्मॉल फायनेंस बँकेने सीनियर सिटीझनच्या फिक्स्ड डिपॉझिट स्किमवर मिळणाऱ्या व्याजदरांमध्ये वाढ केली आहे. ज्येष्ठ नागरिक आता सूर्योदय स्मॉल फायनान्स बँकेच्या FD मध्ये गुंतवणूक करून 9% पेक्षा जास्त व्याज मिळवू शकतात. बँक आता ज्येष्ठ नागरिकांना 4.50 टक्के ते 9.10 टक्के आणि सर्वसामान्यांना 4 टक्के ते 8.60 टक्के 7 दिवस ते 10 वर्षांच्या कालावधीत परिपक्व होणाऱ्या एफडीवर ऑफर करत आहे.

7 दिवसांपासून तर 10 वर्षांपर्यंतची FD : बँकेच्या वेबसाइटनुसार, हे व्याजदर दोन कोटी रुपयांपेक्षा कमीच्या डिपॉझिटवर मिळेल. बँक आणि NBFC वरिष्ठ नागरिकांना 7 दिवसांपासून तर 10 वर्षांपर्यंतच्या कालावधीसाठी फिक्स्ड डिपॉझिट स्कीम ऑफर करत आहे. सूर्योदय स्मॉल फायनेंस बँक वरिष्ठ नागरिकांना आता 2-3 वर्षात मॅच्योर होणाऱ्या FD वर 9.10 टक्के व्याज मिळेल. यासोबतच सामान्य ग्राहकांना या कालावधीच्या डिपॉझिटवर 8.6 टक्के दराने व्याज मिळेल. 15 महिने ते 2 वर्षांपेक्षा अधिकच्या कालावधीवर बँक ज्येष्ठांना 9 टक्केच्या दराने व्याज ऑफर करत आहे.

एक वर्षापर्यंतच्या FD साठी व्याजदर: सूर्योदय स्मॉल फायनान्स बँक 7 दिवस ते 14 दिवसांच्या FD वर 4.50 टक्के दराने व्याज देत आहे. बँक 15 ते 45 दिवसांच्या फिक्स्ड डिपॉझिटर 4.75 टक्के व्याज देत आहे. 46 ते 90 दिवसांच्या FD वर 5.00 टक्के दराने व्याज दिले जाईल. 91 ते 6 महिन्यांच्या फिक्स्ड डिपॉझिटवर 5.50 टक्के दराने व्याज मिळेल. बँक 6 महिने ते 9 महिन्यांपर्यंतच्या ठेवींवर 6.00 टक्के व्याज देत आहे. 9 महिन्यांपेक्षा जास्त आणि 1 वर्षापेक्षा कमी कालावधीच्या FD वर 6.50 टक्के दराने व्याज दिले जाईल.

एका वर्षापेक्षा जास्त कालावधीच्या FD साठी व्याजदर : सूर्योदय स्मॉल फायनान्स बँक एका वर्षासाठी फिक्स्ड डिपॉझिटवर 7.35 टक्के दराने व्याज देत आहे. बँक 1 वर्ष ते 15 महिन्यांच्या FD वर 8.75 टक्के व्याज देईल. बँक 15 महिने ते 2 वर्षांच्या कालावधीसाठी एफडीवर 9.00 टक्के दराने व्याज देत आहे. बँक 2 वर्षांपेक्षा जास्त आणि 3 वर्षांपर्यंतच्या FD वर 9.10 टक्के दराने व्याज देईल. 3 वर्षांपेक्षा जास्त आणि 5 वर्षांपेक्षा कमी कालावधीच्या एफडीवर 7.25 टक्के दराने व्याज देईल. बँक 5 वर्षांच्या एफडीवर 8.75 टक्के आणि 5 वर्षांवरील आणि 10 वर्षांपर्यंतच्या एफडीवर 7.75 टक्के दराने व्याज देत आहे.

सूर्योदय स्मॉल फायनान्स बँक ही 13 राज्ये आणि केंद्रशासित प्रदेशांमध्ये 564 पेक्षा जास्त बँकिंग आउटलेट आणि 5085 वर्क फोर्स आणि 1.64 मिलियन ग्राहकांसह सर्वात वेगाने वाढणारी स्मॉल फायनान्स बँक आहे. SSFB बँक FD आणि सेव्हिंग बँक डिपॉझिटर सर्वाधिक रिटर्न देण्याचा दावा करते.